里安納度勇救墮海男子 坐遊艇度假中收到求救訊號主動參與救援 成唯一搜索船隻

奧斯卡影帝里安納度狄卡比奧（Leonardo DiCaprio）一向關心環保議題，多年嚟持續捐款。

喺影壇成就多多嘅佢亦都有好多經典代表作。

日前有外媒報導，里安納度喺12月30號救咗一名墮海男子。

Photo from Pinterest

當時里安納度同22歲嘅女友同一班朋友喺加勒比海坐遊艇度假，佢哋嘅遊艇收到求救訊號，指有一名法國船員墮海失蹤。

Photo from SPLASH NEWS

里安納度佢哋決定幫手搜索墮海男子。報導亦引述指里安納度嘅船係唯一對求救訊號有回應嘅船隻。

里安納度嘅船隻最終喺沙巴島附近海域搵返失蹤嘅墮海男子，成功救佢上船。墮海船員飲醉酒，已踩水11個小時，徘徊溺水邊緣，如果里安納度無參與搜索，佢可能就凶多吉少。

Photo from Pinterest

里安納度更為墮海男子提供食水同衫，然後先將佢交俾海岸警衛隊。

喺電影《鐵達尼號》入面，里安納度飾演嘅Jack為Rose而犧牲自己，現實中里安納度勇救墮海人士，影帝嘅日常生活都媒似電影咁啊！

Photo from Pinterest

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）