澳洲山火肆虐！澳洲政府用直升機空投食物救助野生動物

澳洲山火肆虐幾個月，保守估計有近10億動物喺大火中喪生。

大火情況令人痛心，近日亦痛唔少名人為澳洲山火捐款。

多月嚟唔止有大量動植物葬身火海，仲有消防員因此而殉職。

Photo from The Sydney Morning Herald

就算成功喺大火中存活落嚟，被燒毀嘅森林亦對野生動物嘅生存環境造成極大影響。

喺災情最嚴重嘅新南威爾士州，政府決定向災區分發數千磅蔬菜，並以直升機空投嘅方式為野生動物提供食物。

Photo from 路透社

Photo from 路透社

野生動物嘅棲息地被燒毀，令佢哋好難搵到食物同乾淨水源。

新南威爾士州環境部長Matt Kean指為拯救瀕臨滅絕嘅刷尾岩袋鼠，將近4,600磅（約2,000公斤）嘅蕃薯同紅蘿蔔空投至11個刷尾岩袋鼠棲息地。

Photo from 路透社

佢表示喺災後恢復期間會持續為袋鼠族群提供食物，直到有足夠嘅天然食物資源同水為止。

Photo from NSW GOVERNMENT

澳洲亦有好多機構眾籌為樹熊設置水機，為野生動物提供可飲用嘅水源。

Photo from Pinterest

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）