地震海嘯先兆？相隔4年再出現　日本連續3日發現3條罕見深海「地震魚」

位於地震帶嘅日本一直都係香港人最鍾意去旅行嘅地方，唔少去過嘅人都一定感受過地震。

最近日本就頻頻出現有「地震魚」之稱嘅罕見皇帶魚。而喺2011年嘅311大地震前，就曾喺海岸發現約20條「地震魚」，因此日本嘅唔少民眾都相信地震海嘯同皇帶魚有關。

皇帶魚棲息於200米至1000米嘅深海水域，平時極少被捕獲，所以日本漁民會稱皇帶魚為「龍宮使者」。喺當地更有傳說指每當皇帶魚喺沙灘出現，就係發生地震嘅先兆。

Photo from 魚津水族館

據日媒報道指，喺1月4日至6日，依3日內就喺唔同嘅地方出現3條「地震魚」，令唔少日本民眾擔心將會發生強烈地震及海嘯。

Photo from NNN新聞

在福井縣敦賀市就發現2條皇帶魚出沒，1月4日下午2時左右，敦賀市赤崎堤防處正在同祖父釣魚一齊釣魚嘅一對小兄弟，就發現1條皇帶魚喺水中遊動，皇帶魚大概遊咗20分鐘左右就離開。一條就喺1月6日上午一名中學生發現一條長約2.4米嘅皇帶魚屍體被海浪沖上海灘。

Photo from 魚津水族館

另一條皇帶魚屍體則喺富山縣被有人發現，屍體被運送到魚津水族館冷凍保藏，並作展品開放給觀眾參觀。

Photo from 魚津水族館

皇帶魚自2015年被發現出沒後，一直到2019年嘅7至9月先後再有5條深海魚被發現。

不過日本魚津水族館飼養員西馬上總（Kazusa Saiba）就指皇帶魚等於地震先兆嘅理論完全無科學根據，但又唔可以話兩者係100%無關係。因為喺地震前夕，地殼岩石會釋放帶電粒子，引發化學反應，使動物生活嘅環境受到改變，皇帶魚亦因水流攪動而被推上水面。

Photo from 魚津水族館

無論傳說係真定假都好，出門去玩都要小心注意安全呀！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）