專家指澳洲山火後要恢復生態或需100年 多地終下雨但可能會引發山洪爆發

澳洲山火連續燃燒多月後，日前終於落雨！雨水淋熄咗境內幾個地方嘅山火。

不過危機仍然未解決，專家指澳洲要恢復返以前嘅環境或需要一個世紀。

澳洲大火對當地生態造成嚴重破壞，超過2,000間房屋被燒毀、10億隻動物葬身火海。

Photo from Daily Mirror

NASA指山火燃燒嘅煙霧最少會圍繞地球一圈。而澳洲政府亦警告樹熊可能會被列為瀕危絕種物種。

Photo from NASA

消防局長Mick Clarke指澳洲要恢復返大火前嘅生態，或者需要100年。

Photo from Boredpanda

日前澳洲終於落雨，墨爾本半個鐘落咗一個月嘅雨量，部分火場嘅火種亦因落雨而熄滅。

天氣預報指未來會有更多降雨，不過可能會引發另一個危機。

樹木燃料後變得脆弱，隨時都會倒塌，而雨水沖刷地面會帶走灰塵，造成水污染。

Photo from Victoria State Emergency Service

加上大火將一啲會吸收降水的植被燒透，所以吸收唔到突然落嘅雨水。令山洪爆發嘅危機加劇。

Photo from Daily Mirror

同時伴隨暴雨嘅閃電喺新南威爾士州同維多利亞州引發咗新嘅草地大火。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）