汪阿姐到九龍城辦年貨野生捕獲周潤發！發哥親切合照 阿姐：真係行好運！

農曆新年就到，大家都趕住齊齊辦年貨。藝人都唔例外。

汪阿姐琴日就出門辦年貨，竟巧遇發哥周潤發！

汪明荃汪阿姐琴日喺IG post咗同發哥嘅合照，原來佢去辦年貨嘅時候撞到發哥！

Photo from 汪明荃IG

阿姐留言話：「20/01/2020今早去九龍城辦年貨，竟然碰到發哥（周潤發），真係行好運！發！發！發！」

Photo from 汪明荃IG

阿姐連留3個「發」，可見佢有幾驚喜，發哥出名親民，經常同人selfie，同阿姐都唔例外，兩人頭靠頭咁影相，笑容親切。

Photo from 汪明荃IG

除咗同阿姐影相之外，發哥仲揸機幫一眾九龍城街坊影大合照，當然佢同阿姐都有入鏡喇！

發哥經常喺九龍城出沒，同街坊街里都好熟，見佢當日仍然係黑衫、戴黑色鴨嘴帽、黑超嘅打扮，估唔到竟然咁啱遇見汪阿姐。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）