想祈求咩願望都無問題 推介10間日本神社 御守造型特別又可愛
1. 東京大神宮—緣結鈴蘭守
各位想求戀愛運嘅人士，就一定要嚟呢個東京最高人氣嘅神社—東京大神宮喇！宮內除咗有主祭神「天照皇大神」外，仲有掌管男女姻緣嘅「造化三神」。
Photo from 東京大神宮
至於御守，呢到最出名嘅就係緣結鈴蘭守。御守係以「幸福將來訪」嘅白色鈴蘭花作為掛飾，象徵住好快可以搵到另一半、將會有結婚消息同有機會復合。
Photo from 東京大神宮
地址：〒102-0071 東京都千代田區富士見2-4-1
參拜時間：6:00～21:00
交通：從JR中央·總武線或東京地下鐵大江戸線「飯田橋駅」歩行5分鐘
2. 白兔神社—白兔結緣御守
鳥取縣嘅白兔神社亦係出名嘅戀愛神社之一，入面有多個兔仔石頭。而神話「因幡的白兔」亦係喺到發生，故事嘅月老白兔為八上姬同大國主結緣，非常浪漫。
Photo from shutterstock
呢到仲有造型可愛嘅「白兔結緣御守」，御守以兔耳為設計，可以令戀愛運上升！
Photo from 白兔神社
地址：〒689-0206 鳥取県鳥取市白兎宮腰603
參拜時間：08:00~22:00
交通：從JR因美線「鳥取駅」乘搭鹿野線巴士至「白兔神社前」下車步行3分鐘
3. 川越冰川神社—櫻花御守
有1500年歷史嘅川越冰川神社，一般都係保祐緣分、家庭圓滿等。
Photo from 川越冰川神社
呢到最特別就係有櫻花造型嘅結緣御守，每個御守顏色都唔同添。
Photo from 川越冰川神社
推介埋「赤緣筆」比大家，筆嘅右邊代表女仔，而左面筆蓋就代表男仔，只要支筆愈削愈短，就代表離脫單日子唔遠喇！
Photo from 川越冰川神社
地址：〒350-0052 埼玉県川越市宮下町2-11-3
參拜時間：09:00~17:00
交通：從JR東武東上線「川越駅」或西武新宿線「本川越駅」乘搭東武巴士至「宮下町」步行1分鐘
4. 京都今宮神社—嫁入豪門御守
有某部分女仔總會希望自己可以嫁入豪門，做少奶奶。而家有個機會畀你實現願望，就係嚟京都嘅今宮神社買返個「嫁入豪門御守」（玉の輿お守り）。
Photo from 今宮神社Facebook
御守售價800日元，仲可以祈求嫁個有錢人添，各位女生不妨試吓！
Photo from Twitter
地址：〒321-1321栃木県さくら市馬場43
參拜時間：9：00~17：00
交通：乘搭烏丸線，国際会館行「北大路駅」下車1號出口步行20分鐘
5. 石浦神社—旅守
對於熱愛去旅行嘅香港人，就可以嚟石浦神社買返個旅守。呢個御守主要守護旅者安全，保佑旅程順利，配上新幹線造型設計，非常可愛。
Photo from 石浦神社網頁
Photo from 石浦神社網頁
6. 御髮神社—「御櫛守」
香港人工作同生活壓力大，導致頭髮都有健康問題。不過唔使怕，日本京都御髮神社就可以畀你祈求所有有關頭髮嘅煩惱。
Photo from shutterstock
呢到嘅御守都同頭髮有關，呢個小梳子御守（御櫛守）同小較剪御守（匠守）都勁得意啊！
Photo from 御髮神社網頁
Photo from 御髮神社網頁
地址：〒616-8394 日本京都市右京區嵯峨小倉山田瀏山町 10-2
參拜時間：10:00~15:00
交通：從京福電氣鐵道嵐山本線「嵐山站」下車徒步10分
7. 阿佐谷神明宮—神之結
平時見到嘅御守都係以吊飾為主，而阿佐谷神明宮則係全日本唯一一間售賣手繩御守嘅神社。
Photo from 阿佐ヶ谷神明宮Facebook
手繩御守全部都係由宮內神女親手編織而成，係為大家帶嚟好運嘅結緣御守。御守共有11個基本顏色，仲有「月讀尊」、「須佐之男尊」、「期間限定款」同「虹鳥居」4套特別款。
如果櫻花季時候去到神社，仲可以買到櫻花限定款添！
Photo from 阿佐ヶ谷神明宮Facebook
Photo from 阿佐ヶ谷神明宮Facebook
地址：〒166-0001 東京都杉並區阿佐谷北1-25-5
參拜時間：6:00～17:00
交通：從JR中央·總武線「阿佐ケ谷駅」北口步行2分鐘
8. 長谷寺—草莓御守
位於鎌倉嘅長谷寺，有售賣造型非常可愛嘅草莓御守同西瓜御守，草莓御守係一個可以滿足所有願望嘅護身符。而西瓜有順利嘅意思，所以西瓜御守都有「順利開運」嘅涵意。
Photo from 長谷寺網頁
Photo from 長谷寺網頁
Photo from 長谷寺網頁
地址：〒248-0016 神奈川県鎌倉市長谷 3-11-2
參拜時間：08:00~16:30
交通：從江之島電鐵「長谷站」步行5分鐘
9. 池上實相寺 — OMAMO
池上實相寺係日本佛教日蓮宗寺院之一，呢到最特別就係有提供線上客製化御守服務。大家可以按自己嘅願望同顏色喜好去訂製獨一無二嘅御守，勁有心思。
Photo from 池上實相寺網頁
而親身去到寺院亦都可以買6種御守，可以祈求「安產」、「交通安全」、「健康」、「學業」、「戀愛」同「金運」。
Photo from 池上實相寺網頁
地址：〒146-0082 東京都大田區池上2-10-17
參拜時間：9:00~17:00
交通：從東京地下鐵淺草線「西馬込站」步行10分鐘
10. 神田明神—婚姻祈願御守
擁有1300年歷史嘅神田明神，係日本歷史最悠久嘅神社之一。祈願者可以喺到祈求生意興隆、開運同結緣。
Photo from 神田明神Facebook
最值得推介就係呢到嘅婚姻祈願御守，可以將祈願者嫁畀理想情人，所以都有唔少女性嚟呢到購買御守㗎！
Photo from Pinterest
地址：〒101-0021 東京都千代田区外神田2-16-2
參拜時間：09:00~16:00
交通：從JR中央·總武線「御茶ノ水駅」聖橋出口步行5分鐘
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
