武漢肺炎疫情擴散！日本小店貼告示「中國人種進入商店禁止」 香港人台灣人例外

武漢肺炎疫情持續擴散！截止今朝為止，全國已確診440宗個案，有9人死亡。

唔止中國有疫症，連美國、韓國、日本等地都陸續確診病例。

喺日本箱根一間菓子店就喺門口貼出告示禁止中國人進入：「中國人種進入商店禁止」 。

Photo from Twitter @livein_china

告示以簡體中文寫成，但行文唔通順，應該係用翻譯軟件翻譯過嚟，全文大意如下：

「散布冠狀病毒的中國人種進入商店禁止」、「冠狀病毒請不要到箱根到到日本來」，更指出中國人本來就係荒唐嘅人種。

Photo from Twitter @YSD0118

另外仲特登指香港人、台灣人除外，請唔好誤解。

箱根向來係旅遊勝地，時值冬天加上農曆新年到，好多旅客會去箱根浸溫泉，當中不乏嚟自中國嘅遊客。

Photo from shutterstock

日本媒體報導，店主表示會貼出告示係因為曾經有無禮嘅中國人嚟過：「咁係為咗防止冠狀病毒而採取嘅自衞手段，唔歡迎中國人到店內。」

不過老闆嘅做法引嚟部分批評，佢回應指可能係因為告示上寫：「不要到箱根要到日本來」所以引起反感，會考慮改成「不要進到店內」，盡量用啲唔會引起爭議嘅字眼。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）