【大醬園】童顏黃嘉樂原來已經41歲 同何廣沛企埋一齊 睇落似差唔多年紀

無綫電視劇《丫鬟大聯盟》播映完畢後，同時段由《大醬園》接替。《大醬園》由吳岱融、朱晨麗、龔嘉欣、何廣沛同黃嘉樂等人主演，故事主要圍繞製作醬油嘅萬冠醬園為背景。

《大醬園》現已播出三集，劇中萬家有4位少爺，而黃嘉樂同何廣沛分別飾演大少爺同四少爺，不過兩個行埋一齊睇落好似差唔多年紀咁，但係原來現實世界嘅黃嘉樂比何廣沛大10年㗎！

Photo from Instagram

現年41歲嘅黃嘉樂原來已經入行19年，現實生活嘅佢經常留鬚，連早前電視劇《多功能老婆》入面，都係以留鬚型格攝影師造型登場，比較有成熟男人味。

Photo from Instagram

何廣沛今年31歲，唔經唔覺入行8年，不過樣貌就比較青靚白淨，同年紀都算相乎。

Photo from Instagarm

噚晚嗰集最尾部分，四位大少爺同當家吳岱融一齊商量整醬油對策，而黃嘉樂同何廣沛企埋一齊，剃咗鬚嘅嘉樂望落年紀好似同何廣沛差唔多咁，唔知大家又點睇呢？