拜年遇著佢哋就要注意！最小器星座Top5 說話要小心以免被報復

嚟到一年一度嘅農曆新年，各位必定忙於四周圍拜年，見吓久未見面嘅親戚朋友。但遇到親戚問「最近生活如何」、「升職未」、「拍拖未」等一連串問題，有啲人會乖乖回答，有啲人則會嫌煩而輕輕帶過。不過總有姨媽姑姐鍾意「打爛沙盆問到篤」，為免唔好得罪長輩，今日就同大家數數最小器星座Top5啦！

第五位 ：獅子座

獅子座係一個強勢星座，事業上佢哋總係鍾意領導他人。佢哋比較有個人思想，直接啲講就係唔太喜愛接納他人意見，因此容易同人發生衝突。

如果有親戚係獅子座，同佢哋傾計時就要就住就住，唔好為咗個人己見而同佢哋拗喇！

代表星座藝人：鄧紫棋

Photo from Instagram

第四位：雙子座

雙子座向來聰明帶點狡猾，天生鍾意捉弄人。假如得罪佢必定報復，而佢哋嘅報復方法通常都係以口術還擊，而且會做「天文台」四圍講是非唱衰對方，不過雙子座嘅人記仇都唔會記好耐嘅。

代表星座藝人：容祖兒

Photo from Instagram

第三位：金牛座

金牛座就好似一頭蠻牛咁，雖然忍耐力高，不過一旦觸發佢哋嘅爆發點就定必記仇。但係金牛座嘅人唔太識用言語還擊，最多只會玩冷戰。（但係有人會認為冷戰先係最恐佈）

代表星座藝人：袁偉豪

Photo from Instagram

第二位：摩羯座

摩羯座嘅人愛玩心計，假如言語間得罪佢哋，摩羯座必定十倍奉還，直到你道歉為止。

代表星座藝人：陳敏之

Photo from Instagram

第一位：天蠍座

天蠍座小器程度爆燈！皆因佢哋係一個極易嬲嘅星座，唔單止咁，天蠍座報復心極強，佢哋有腦頭之餘心思細密。雖然未必會喺你正面攻擊，但一定會喺背後耍手段。

拜年遇到天蠍座，記得說話要恭敬啲啦。

代表星座藝人：余文樂

Photo from Instagram