【武漢肺炎】網傳疑似順豐速遞員截獲口罩轉售影片 官方回應:「不存在攔截他人快件行為」

新型冠狀病毒 (武漢肺炎) 疫情持續，各位瘋狂搶購口罩，市面上買唔到正價口罩嘅市民一係捱炒價，一係上網買，總之就係一罩難求。日前網上就傳出一段疑似順豐快遞員攔截他人口罩影片，順豐集團亦為此事回應。

影片中見到一男子拎住N95口罩，指口罩嚟自日本同韓國，更話:「都被我們截獲了，你覺得能到你手上嗎?」

Photo from 微博

Photo from 微博

順豐集團喺微博回應事件，表示涉事影片係雲南一個貨倉，經查證後確認影片中嘅男人係賣口罩商人，指該名男子一行二人去到順豐門市寄件，絕對唔存在攔截他人快件行為。

Photo from 微博

順豐亦表明已向昆明當地警方報警，亦話警方正調查男子拍攝動機。順豐指男子行為為「惡意拍攝」，並強調知道每一個口罩嘅意義。

雖然順豐好快就發聲明，不過仍有部分網民不滿，指自己買咗口罩但一星期仍未到貨，亦有網民貼出順豐快遞員工制服，指出影片中男子就是穿著一模一樣的服飾。

Photo from 微博

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）