【口罩台灣】確保口罩供應量！台灣新推「實名制」　憑身份證末碼分流購買

武漢肺炎疫情一直未有受控，口罩供應問題唔止喺香港出現，其實全球都出現咗口罩短缺嘅情況。

而喺台灣，雖然政府早以安排限制口罩出境及每人每日可限買嘅數量，但依然出現咗口罩短缺，有市民買唔到口罩嘅情況。

Photo from shutterstock

有見及此，台灣中央流行疫情指揮中心尋日就宣佈推行新嘅口罩販售方案。

Photo from 蔡英文 Tsai Ing-wen

新方案中，四大超商會喺即日起停售口罩，改由健保特約藥局販售，並從周四（6/2）採用實名制，民眾須持健保卡，並依身分證字號末碼分單雙號，分批購買。

身分證單末碼「單雙號分流」，雙號週二四六，單號週一三五購買，而星期日則所有人都可以購買。

中央疫情指揮中心指揮官陳時中指，原先超商嘅口罩會改由郵差配送至全國6,505間健保特約藥局，每家藥局每天配發200個成人口罩、50個兒童口罩。

而偏鄉地區將由當地衛生所代為處理。

Photo from shutterstock

另外，價錢方面每個口罩亦會降價為5元台幣一個，購買時市民需要使用健保卡插卡，每人限7日內只可購買2個。

如果上班族及行動不便者，可委託親友代為購買，一人限代持一張健保卡，購買規則相同，兒童口罩僅限12歲以下兒童健保卡購買，同樣為5元台幣一個，每人限7日內只可購買2個。

Photo from shutterstock

另外，因為方案調整，喺2月4-5日都唔會有口罩出售。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）