2月29日冷知識 2月比其他月份少日數嘅原因 皆因背後有段故

好多人都知道，4年就會有一年係閏年。而閏年嘅2月，就會比其他年份多出一日，即2月29日。但係又有幾多人知道2月29日嘅由來呢 ？呢日生日嘅朋友仔，又應該以邊日為準呢？等小編話你知啦！

其實曆法非常複雜，現時世界普遍採用嘅公曆為「格列高里曆」，之前就係用「儒略曆」。根據「儒略曆」規定，每4年有1個閏年，而閏年則有366日，其他年份則為365日。但除返開，每年其實平均係有365.25日長。

Photo from shutterstock

再講，點解2月有28日同29日，其實就有唔同說法。其中一個說法就係話早於「儒略曆」出現之前，人類就係採用羅馬曆，惟一年得10個月，之後就加咗1月同2月，而2月就係每年最後一個月份。假如曆法唔啱，就會喺2月作加減。

另一個說法就係古羅馬人處決囚犯都會喺2月執行，因此大家都將二月睇作成唔吉利嘅月份。所以就將2月扣數，後來又再將8月30日加多一日，變成有31日喇 !

Photo from shutterstock

至於2月29日生日嘅人，好多人都唔知道應該以2月28定3月1為生日日期。根據《香港法例》相關條文：「一個人如在閏年二月二十九日出生，須以三月一日作為他的生日。」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）