日本玩具店推出柴犬扭蛋 可愛柴柴從牆身探頭勁得意

柴犬係一種非常討人喜歡嘅狗仔，講到柴犬，就一定聽過日本島原三柴犬 (柴犬三太郎) 喇。之前都有電視節目去過探訪佢哋，呢三隻柴犬好得意，只要牆外有有少少動靜，三太郎就會將頭穿過牆上嘅洞，探頭出嚟看個究竟，非常得意。

近日日本扭蛋店就推出一款柴犬扭蛋磁石，係以柴犬三太郎「小太郎」、「豆太郎」同「福太郎」為藍本，每款扭蛋都有一棟灰色牆加一隻探頭嘅可愛柴犬。

Photo from Instagram

Photo from Instagram

全套一共有5款，分別為茶色、黑柴成年犬、茶色、黑柴幼犬同一款只係露出鼻哥嘅茶色柴犬。

每款價錢為300日元，想要嘅話就可以留意一吓扭蛋機有無喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）