超可愛！三眼仔Cosplay迪士尼一眾角色！Fans必須入手「三眼仔變裝公仔」！

迪士尼多年嚟創造唔少經典角色，同Pixar合作嘅動畫亦相當受歡迎。

唔止動畫主角，連配角，甚至奸角嘅人氣都好高！

《反斗奇兵（TOY STORY）》入面，成班玩具都陪伴大家成長，其中三眼仔雖然無乜對白，但憑住呆萌嘅動作成功俘虜大批fans。

美國玩具廠牌MATTEL即將推出「迪士尼-Pixar變裝三眼仔 (Disney-Pixar Alien Remix) 」，個個造型都超可愛！

目前共公開4彈，第一彈會喺3月推出。有6款，包括《勇敢傳說之幻險森林》嘅Merida、《怪獸公司》嘅毛毛、《玩轉極樂園》的米哥、《超人特攻隊》嘅超能先生，以及《反斗奇兵》嘅胡迪同巴斯光年。

每隻都各有特色，好可愛！

第二彈暫時只公開《玩轉腦朋友》嘅阿躁實物，睇得出三眼仔版阿躁怒髮衝冠，都真係好躁下～而網站就指呢一彈仲有《怪獸公司》阿Boo同《反斗奇兵》嘅胡迪。預計7月推出。

第三彈會喺9月推出，有《玩轉腦朋友》嘅Bing Bong、《超人特攻隊》嘅衣夫人，同《蟲蟲特工隊》肥嘟嘟嘅Helmich。衣夫人個樣好搞笑！

第四彈就有《反斗奇兵》勞蘇、《海底奇兵》Mo仔，以及《沖天救兵》肥仔小童軍Russell，預計10月推出。

而呢款三眼仔變身公仔仲會用火箭包裝！好有收藏價值！

喺Entertainment Earth已有得預購喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）