武漢肺炎疫情下日本奈良遊客大減！鹿仔入侵社區 食大街植物、居民盆栽
武漢肺炎侵襲全球多國，日本疫情嚴重，推出多項防疫措施，包括對中國、韓國旅客強制隔離檢疫。
疫情下，日本多地旅客人數大跌，旅遊業受重創。
日本奈良係其中一個旅遊熱點，因為可以同鹿近距離接觸。以往唔少旅客都會買鹿仙貝餵奈良鹿食。
但由於武漢肺炎疫情，近來遊客數量大減，都無咩人餵鹿。估計鹿仙貝銷量下跌超過8成，生產鹿仙貝工廠更提早至中午關門。
日本《朝日電視台》報導，奈良街頭遭奈良鹿大舉「入侵」，馬路同人行路上都有大批奈良鹿同人、車爭路，甚至會突然跑出馬路，路上車輛要小心躲避，險象環生。
奈良鹿除咗喺路上穿梭外，更食路邊嘅植物，連居民種嘅盆栽都唔放過，令居民大感無奈。
不過，當地嘅保護組織就指每年都會發生鹿隻走入社區，而鹿鹿都唔係淨係食仙貝，食野生植物都好正常，呼籲當地居民唔洗過分擔心。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
日本奈良2019年3月以嚟14隻鹿接連死亡 其中9隻胃內發現膠袋
07 Jul 2019
大阪奈良係唔少香港人會去嘅熱門旅遊地點，而奈良其中一個吸引嘅地方就係可愛嘅鹿仔喇！
旅客會買餅仔餵佢哋，而奈良鹿嘅數量較多，有時會出現爭嘢食嘅場面。
Photo from Printerest
過多嘅遊客將膠袋等塑膠製品遺棄，因為上面有食物氣味殘留，令鹿誤以為係食物而食落肚。
奈良鹿保護組織就公佈今年3月以嚟一共有14隻鹿喺公園內接連死亡，而其中9隻嘅胃部都發現有塑膠廢物，最重有4.3公斤。
Photo from FB@一般財団法人 奈良の鹿愛護会
Photo from FB@一般財団法人 奈良の鹿愛護会
為咗保護奈良鹿，組織事隔8年再舉辦執垃圾活動，嚟自唔同縣嘅140位義工參與活動，個半鐘就執到53公斤膠袋、空罐等垃圾。
Photo from FB@一般財団法人 奈良の鹿愛護会
組織希望遊客可以妥善處理帶嚟嘅垃圾，避免奈良鹿再誤食膠袋落肚。
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
