【大角咀美食】黃大仙人氣甜品店登陸大角咀！新出肉桂蘋果金寶+自家製青蘋果乳酪雪糕

由黃大仙開至西環的人氣甜品小店最近登陸大角咀啦！九龍區的朋友有口福啦！呢間人氣甜品小店有自家製乳酪雪糕、新店限定全新推出肉桂蘋果金寶。當然唔少得多款熱賣甜點，必食芋圓系列、窩夫/心太軟，另外更有新推出的自家製焙茶/紐約芝士蛋糕！

肉桂蘋果金寶配青蘋果乳酪雪糕 ($48)
最新推出自家製甜品，混合咗青蘋果、紅蘋果製作，較酸嘅青蘋果切粒處理，清甜嘅紅蘋果則切片，外層香脆內餡清甜。另外配上自家製青蘋果味乳酪雪糕，全新乳酪雪糕限定口味，酸酸甜甜超清新！

芒芋 ($40)
芋圓系列一直深受歡迎。勁足料的芒芋，包括有芋圓、地瓜圓、紫薯圓、小丸子、水晶珠、芒果粒同乳凍，忌廉、鮮芒汁，啖啖芒果甜香，奶凍滑身、芋圓超煙韌，口感豐富。

焙茶/紐約芝士蛋糕 伴乳酪雪糕 ($58)
自家製焙茶/紐約芝士蛋糕，焙茶味超香濃，蛋糕軟身，伴上酸甜的原味乳酪雪糕，胃口大開！

華田心太軟 伴乳酪雪糕 ($52)
心太軟系列有多款選擇，榴槤、玫瑰、榛子口味等等。小編就選擇華田心太軟，流心華田餡非常香濃，經常食朱古力的可以試下華田口味呀！

海鹽焦糖爆谷火灸香蕉窩夫 ($68)
海鹽焦糖爆谷都是甜品店的另一大亮點，粒粒海鹽焦糖爆谷令每啖窩夫再增添了多個口感，再配上火灸香蕉、乳酪雪糕，真係超級滿足呀！

桂花釀湯圓 (花生、芝麻) ($34)
桂花黑芝麻湯圓可以選擇配搭芝麻＋花生湯圓，或全芝麻/花生湯圓。湯圓皮非常薄皮，芝麻蓉香溜，桂花湯清香且不會太甜～

\\

想甜嚐甜
地址：大角咀嘉善街18號利奧坊二期地下G703號舖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）