【捷克蒙面】捷克規定市民搭公共交通工具要蒙面 遮到口鼻即可！

新冠肺炎（俗稱武漢肺炎）全球肆虐，多個國家封關，並採取多項防疫措施！捷克政府宣布當地時間3月17日，布拉格市内所有乘客搭公共交通工具必須戴罩！

為咗應對武漢肺炎帶嚟嘅威脅，捷克政府喺3月12日宣布全國進入緊急狀態，並喺啱啱嘅星期一下令全國封城，唔畀民眾出街，返工、去醫院或者去超市買日用品除外～大多數學校、餐廳同店舖都要暫時關閉。

Photo from HolidaySmart

因應當地民眾返工主要搭公共交通工具，為咗減低喺佢哋喺返工途中感染嘅機會，捷克政府就宣布布拉格市内所有乘客搭地鐵，公交車和電車等公共交通工具必須戴罩！但就冇規定佢哋一定要戴醫用口罩，用頸巾都冇問題，只要確保可以遮到口鼻就可以。捷克係第一個歐盟國家因應疫情，下令強制蒙面！

Photo from HolidaySmart

由於當地口罩供應短缺，所以政府都覺得只要有嘢遮住口鼻，可以盡量減低飛沫傳播，減慢擴散速度。布拉格市長喺自己嘅Twitter都話：「有嘢遮住總好過冇～」

Photo from HolidaySmart

不過，話就話強制性蒙面，但就冇懲罰，唔跟從呢項規定，只會受責備！

希望疫情快啲受控，等大家可以重回正常生活。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）