可樂都可以減肥？日本最新「健康」可樂登陸香港兩大便利店，究竟入面有乜野乾坤？

可樂有幾多糖都唔使我多講！小編呢啲懶健康嘅人，已經好多個世紀無飲過可樂了～～不過有時打邊爐、BBQ...飲啖汽水又真係幾爽嘅～～怕肥嘅你可以試下日本新出嘅Coca Cola Plus喎！呢個被稱為「減肥可樂」，已經係各大便利店（7-Eleven，OK）有售啦

Photo from Amazon

同zero可樂一樣零卡路里，不過多咗樣野，就係食用纖維啦！What？可樂都有纖維？正是，入面有5g嘅「難消化性糊精」，呢隻纖維由粟米提煉出嚟，無色無味，屬於水溶纖維素。重點嚟啦！佢可以減少吸收食物中嘅澱粉同脂肪，又好似幾正喎！

Photo from Coca Cola JP

唔好以為得個講字！呢支可樂俾日本消費者廳認定為合格「特定保健用食品」，通過國家審查，樽身仲有金章認證啊！絕對靠得住！

Photo from kanarikinic.com

本身係日本限定發售，不過香港兩間便利店都好快手引入，依家係7-Eleven同OK就買到啦！

Photo from PressLogic

唔知味道會唔會同普通可樂有分別呢？

Photo from PressLogic

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載