【意大利封關】意大利封關後遊客數量大跌 再現清澈見底威尼斯運河！

意大利新冠肺炎疫情非常嚴重，當地累計確診病例已經突破3萬宗。當局果斷封國，遊客數量大跌，重創當地經濟。但同時，有浪漫水都稱譽嘅威尼斯，好似就因禍得福～威尼斯運河變返清澈見底，仲見到好多魚游水添～

意大利嘅威尼斯運河非常出名，每年都有好多遊客坐住「貢多拉船」泛舟運河。

Photo from HolidaySmart

不過遊客數量越嚟越多，部分人更係冇乜公德心，將啲垃圾扔落運河到，搞到條河變到好混濁、污糟。

封咗國之後，有當地居民見到條河變返乾淨，都大感興奮！不約而同喺社交網站分享乾淨威尼斯河嘅相！

Photo from FB群組VENEZIA PULITA

見到水底有好多魚游水啊！

Photo from FB群組VENEZIA PULITA

不過，威尼斯市長辦公室發言人接受CNN訪問時表示，運河變得清澈唔代表水質污染問題改善咗。而係，因為運河上嘅船隻流量減少，令雜質物沉積喺底！但他有提到最近嘅空氣質素的確有改善。

Photo from FB群組VENEZIA PULITA

喺疫情爆發前，威尼斯遊客為患，導致運河底下，積聚咗大量垃圾。舊年有熱心船夫進行清理垃圾行動，打撈到超過2.5噸嘅垃圾！

Photo from HolidaySmart

我哋真係唔可以再咁自私，唔係嘅話，全世界嘅靚景都會消失～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【意大利菠蘿pizza】意大利封城掀超市搶購潮 貨架清空唯剩菠蘿pizza！

17 Mar 2020

最近意大利因應疫情宣布全國封城，總理Conte下令國民冇咩事就唔好出街，引發封城前嘅超市搶購潮。
疫情令意大利人非常緊張，所以佢哋都趕喺封城前去超市入貨，掃口罩、日常用品、消毒洗手液，又買定糧食，咁就算喺屋企都唔會餓親～

Photo from Dailymail

可知超市大部分貨架都清空咗，唯獨是凍櫃入面嘅菠蘿Pizza有得剩～

Photo from reddit

Photo from twitter@bianco222

有人話，意大利人係接受唔到有菠蘿嘅Pizza，見到仲會覺得嘔心添！某程度上係因為菠蘿pizza 唔係佢哋創出嚟、唔係傳統～

Photo from twitter@bianco222

無論幾時，都係原汁原味最有本土風味！從呢件事睇到，意大利人對pizza 嘅執著，寧願餓死都唔食菠蘿Pizza！

希望疫情快啲好轉，等大家再搶糧食，唔需要再匿喺屋企，重拾正常嘅生活～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）