【武漢肺炎】兩網上旅行社宣佈停業　旅議會呼籲遊客可向有關航空公司查詢

武漢肺炎（新冠肺炎）疫情影響下，旅遊業/航空業/酒店業等生意大受打擊。

而依日兩間同樣提供機票、酒店訂購服務嘅網上旅行社Wefly及GoGoGo Travel，分別就先後喺Facebook宣佈停業。

隸屬中國寶力科技嘅網上旅行社Wefly尋晚就喺其Facebook宣佈由大股東申請清盤，公司即時停業。其實該公司喺上星期五時，已申請清盤，並排期於6月24日聆訊。

Photo from Wefly Facebook

其後，另一間網上旅行社GoGoGo Travel亦於其Facebook宣佈：「因受疫情影響、面對前所未有的經營問題，實無法解決，無奈宣告暫時停業。」並叫大家有任何票務問題，可向相關航空公司或旅遊業議會尋求協助。

Photo from GoGoGo Travel Facebook

而GoGoGo Travel喺宣佈暫時停業後，亦隨即前後關閉其網站及Facebook專業。

旅遊業議會表示，因兩間旅行社分別宣佈停止營業，故將終止佢哋嘅會籍，估計已購買機票並已獲發電子機票嘅受影響旅客多達數千張。

Photo from Emirates

旅議會呼籲受影響遊客可向有關航空公司查詢機票嘅狀況，並向發卡銀行查詢信用卡退款保障機制。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）