自我隔離31年？！意大利81歲老翁獨居孤島無懼疫症影響　靠睇書影相打發時間

新冠肺炎（武漢肺炎）疫情全球持續，各國政府及醫護均呼籲民眾應留喺屋企，避免外出，而外遊人士回國後應嚴格遵守自我隔離14日嘅安排。

早前美國《CNN》就報導指，喺意大利有一位81歲嘅老翁Mauro Morandi喺孤島上獨居31年。

Photo from Mauro Morandi/Facebook

Mauro Morandi曾任職老師，佢喺1989年時試圖從意大利航行到波利尼西亞旅途中，偶然發現依個位於意大利嘅Budelli Island，佢因為愛上小島上清澈見底嘅海水及日落美景，所以決定留低，成為小島唯一嘅居民。

Photo from Mauro Morandi/Facebook

唔好以為Mauro住喺依個隱世小島就唔知全球發生緊咩事，佢指佢都有留意住疫情發展，了解意大利及世界各地嘅情況。仲自言：「我住在全球最安全的地方，並不害怕。這個島沒人降落，甚至看不到有船駛過。」

Photo from Mauro Morandi/Facebook

Mauro嘅朋友同家人大多都居住喺意大利疫情最嚴重地區之一嘅Modena，而Mauro嘅主要糧食供應，都源自於佢哋，但自疫情爆發以來，雖然Mauro嘅生活冇咩大變化，只係由於政府對疫情嘅管制，現在佢就要等待較長時間，先會有人帶食物畀佢。

Photo from Mauro Morandi/Facebook

依個時候你問Mauro一個人喺小島生活唔會悶咩？佢就會答你，從來都冇覺得孤獨，佢平日仲喜歡閱讀及反思。

Mauro認為閱讀，可以令人以唔同嘅眼光看待事情，且具有批判性思考，能發覺自己過住點樣嘅生活，反思自己有咩不足之處。

Photo from Mauro Morandi/Facebook

另外，佢不時又會透過攝影捕捉小島美麗的風光，無聊時拍沙灘、野生動植物和風景，仲會喺自己嘅IG上傳一啲小島靚景同大家分享添！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）