意大利85歲退休老醫生自願重返前線救人 願意為病人犧牲一切！

新冠肺炎（俗稱武漢肺炎）疫情全球大流行，意大利嘅疫情更係非常嚴峻！眼見當地醫療系統崩潰，醫護做唔切，做到冇得抖，有位意大利85歲退休老醫生決定重返前線，幫手擊退呢個可怕嘅肺炎！

意大利麻醉科醫生Giampiero Giron以85歲高齡，重返醫院。日前，因為意大利疫情嚴峻，Giampiero Giron就收到邀請問可唔可以重返手術室，喺緊急情況下幫幫手，佢二話不說就同意咗！

Photo from Facebook@lavocedellevalli

佢表示，自從嗰日開始，佢就隨身攜帶電話，怕會漏接電話，長期預備隨時出發。

佢知道老人，而且有慢性疾病好容易感染呢個病毒，但認為呢個係醫生嘅責任：
「流行病總係好難應付，我唔會驚！」「不論年齡有幾大，現階段醫生都可以有所作為。儘管我嘅醫生誓言係喺好多年前立下，但佢係永遠都唔會過期。」

Photo from 網上圖片

呢啲抗疫時刻，醫護人員總會被塑造成英雄，但佢唔覺得係一回事，Giron聳聳肩表示：「我相信呢個係喺醫院工作嘅人必須做嘅事！只要有需要，醫護人員都會為患者犧牲一切。怕病？那最好不要當醫生！」

不過，佢唔會勉強其他已經退休嘅醫護人員重返前線幫手，因為佢覺得：「冇嘢比迫人重返手術室更差。」佢係純屬自願

Photo from 網上圖片

佢係帕多瓦大學名譽教授，曾喺1985年參與意大利首例心臟移植手術，亦係嗰個專業嘅傳奇人物，退休後都經常進出手術室指導後輩。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）