Chanel/Burberry將生產口罩+防護衣供醫護及感染者使用 Chanel繼續支付員工薪金

歐洲多國爆發新冠肺炎（武漢肺炎）疫情，醫療物資嚴重缺乏，唔少品牌都相繼宣布會轉產口罩、防護衣等。

法國品牌Chanel同英國品牌Burberry亦加入，指會生產口罩及防護衣。

【武漢肺炎懶人包】：
香港確診人數及家居檢疫名單｜病徵｜潛伏期｜口罩供應｜退機票｜房網退訂｜家居消毒

病毒肆虐全球，Chanel於聲明中指將會生產口罩，解決法國國內對口罩急速上升嘅需求。

Photo from shutterstock

口罩同防護衣仍於研發階段，獲得法國當局批准後，就可以正式投入生產。

Photo from shutterstock

同時由於疫情關係，營業額受到影響，而預計之後嘅時裝亦要延期，但Chanel指品牌作為企業公民，唔會採取法國政府建立嘅失業制度，承諾為法國8,500名員工繼續支付8個星期嘅工資。

除咗Chanel之外，Burberry亦宣布品牌將生產10萬個外科口罩，供應畀醫護人員。

Photo from Burberry IG

製作乾濕褸嘅工廠將轉產非手術用嘅保護衣同口罩，提供畀感染新冠肺炎（武漢肺炎）嘅病者，希望可以減輕醫院嘅負擔。

Photo from shutterstock

另外Burberry正資助牛津大學單劑量疫苗研究嘅開發，支援抗疫工作。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【名牌防疫】H&M／巴黎世家／YSL／ Gucci／ Prada轉產口罩+醫療防護衣！免費提供法國和意大利醫院使用！

24 Mar 2020

LVMH（LV母公司）上星期一帶頭將旗下嘅香水工廠轉產消毒搓手液之後，法國奢侈品牌Kering旗下嘅「巴黎世家」、「YSL」、「Gucci」最近亦都宣布轉產口罩同醫療防護衣，供法國醫院免費使用！Prada 同H&M今日都話會投入製造防疫物資嘅行列！

因為意大利疫情嚴峻，當地總理宣布所有工廠停工，各大牌子都有配合！唔少奢侈品牌都希望能夠為當地醫護出一分力，紛紛轉產防疫物資，免費提供畀法國/意大利醫院！

Photo from Twitter@Kering

法國奢侈品牌Kering旗下嘅「巴黎世家」、「YSL」、「Gucci」宣布轉為生產口罩同醫用防護衣！GUCCI工廠會提供100萬個口罩同5.5萬套醫療防護衣；「巴黎世家」同「YSL」就共提供300萬套醫療防護衣畀醫院，以一解法國燃眉之急！

Photo from Shutterstock

Photo from Shutterstock

而Prada亦都宣布投入製造口罩行列！Prada其中一個工廠喺上星期三已經開始動工生產8萬份醫用防護衣同11萬等口罩，免費提供畀意大利醫護使用！

Photo from Shutterstock

PRADA集團日前亦捐贈咗兩套完整嘅醫用防護衣畀三間米蘭主要醫院嘅重症加護病房及心肺復甦病房蘭作為冠狀病毒病患緊急治療使用。

Photo from PRADA 官網

加加埋埋，咁多個品牌一共可以生產大約逾310萬件醫用防護衣+111萬個口罩，幫助法國同意大利度過難關！

喺啱啱過去嘅星期日，大眾時裝品牌H&M亦喺網站宣佈，將會投入生產醫療防護衣。

Photo from Shutterstock

Photo from H&M官網

意大利疫情實在太嚴重，死亡率極高，醫護保護措施不足，導致23個醫生死亡，超過4千個醫護染病！希望呢啲防疫物資可以幫到意大利，祝平安！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【LVMH搓手液】LVMH製搓手液出廠 生產至今只有3日 並已送到醫護手中！

20 Mar 2020

LVMH（LV母公司）星期一宣布將旗下Christian Dior、Givenchy同Guerlain嘅香水生產線轉為酒精搓手液，並將佢哋免費提供畀法國嘅醫院使用！呢條生產線喺運作咗72小時之後，完成第一批嘅酒精搓手液，並且已經送到前線醫護手上！

LVMH官方Facebook展示咗佢哋酒精搓手液嘅生產線運作，同埋製成品。佢哋直接用咗Christian Dior嘅包裝，樽蓋上面有Christian Dior嘅LOGO，樽面就貼咗有LVMH字眼嘅標籤。

Photo from 網上圖片

Photo from FB@LVMH

Photo from FB@LVMH

可以見到佢哋製作過程非常嚴謹，著上保護裝備，避免污染到啲酒精搓手液！

Photo from FB@LVMH

Photo from FB@LVMH

Photo from FB@LVMH

只係用作3日時間，就完成第一批嘅酒精搓手液，並且已經送到前線醫護手中，真係好有效率！

Photo from FB@LVMH

有法國前線醫護收到來自LVMH嘅酒精搓手液之後，即刻Post上Twitter，更喺caption表示感謝LVMH集團嘅幫助，仲話「呢個產品太正了吧！」

Photo from Twitter@romaindejorna

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）