專家警告：富士山爆發 3小時內癱瘓東京交通網絡

日本人習慣防患於未然，每隔一段時間就會提示大家天災爆發的嚴重性，除了常見的地震外，最近便再次提出富士山爆發的可能性，專家更預言3小時內便可癱瘓東京市，令主要幹道被切斷，影響救援。

早前由富士山災害管理委員會發出一份報告，利用模擬器預視如果在日本最高的山峰發生火山爆發，到底影響有多深遠？當然地點直指富士山，雖然富士山對上一次發生火山爆發已經是300多年前（1707年），當時火山爆發持續了16日，令東京中部地區留下4厘米厚的火山灰。

假如富士山再次爆發的話，專家預計強勁的爆發力令大量的火山碎屑、火山灰噴出附近幾公里地方，將會嚴重阻塞主要幹道，即使有些少的火山灰，都已經足以令日本人最常倚靠的鐵路網絡癱瘓。而在富士山周邊的城市，透過分析其35個陡圾的位置，預測例如山梨縣和靜岡縣都會受到熱氣流和熔岩破壞。可想而知，到時的救援工作會更加艱巨，有機會發生糧食及水源短缺問題。

報告到最後，當然是提出防患於未然的建議，在這一日來臨之前，政府應制定長期措施與應急措施，以免發生時出現遲緩滯後反應，聽完大家是否覺得有好多地方政府需要學習、醒一醒呢。

更多相關內容

人生必試體驗！望住震撼超靚藍天白雲富士山玩滑翔傘  近距離同富士山合照～

19 Nov 2019

好多人都鍾意去東京近郊河口湖欣賞富士山，但其實仲有個選擇，就係喺朝霧高原玩高空滑翔傘，可以睇到大大個富士山！

相信有唔少人都列滑翔傘為人生必試嘅體驗，如果仲可以喺藍天下望住咁壯觀又靚嘅富士山玩，個回憶同感受一定會更加難忘！

Photo from スカイ朝霧

Photo from スカイ朝霧

呢間滑翔傘學校簡單滑翔傘課程，一個人飛無咁高嘅上空，到時會有教練講解零件操作同教你點玩，體驗一下玩滑翔傘感覺；有一種就係同教練一齊飛嘅雙座滑翔傘，呢個course會飛得比較高～其實仲有其他更高階嘅課程，詳細可以睇睇文末嘅官網。

Photo from スカイ朝霧

Photo from スカイ朝霧

如果夏季去，天氣唔好嘅機會相對比較大，所以如果想去體驗嘅話，建議秋冬去比較好啲，可以避開雨季，見到清晰嘅富士山機會都會大啲～

Photo from スカイ朝霧

同埋如果由東京市區出發，記得去之前要做好交通功課，因為班次比較疏落，同埋路面情況有時都比較難預測，預鬆時間前往會穩陣啲。

Photo from スカイ朝霧

スカイ朝霧
地址：静岡県富士宮市麓499
官網：http://www.skyasa.com/main/experience/experience.html#challenge
價錢：體驗課程同雙座滑翔傘同樣為10000日圓起

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）