愛爾蘭總理重出江湖 再披醫生袍將上前線抗疫！

全球都受新冠肺炎（俗稱武漢肺炎）影響，歐洲國家嘅疫情更係非常嚴峻！繼意大利阿索洛市市長 3月初決定重返醫院深切治療部，愛爾蘭41歲總理瓦拉德卡（Leo Varadkar）亦喺3月重新註冊成為醫生，每星期有一次以醫生身份工作，一齊抗疫！

愛爾蘭總理辦公室發言人日前表示，總理瓦拉德卡早喺3月已經重新註冊成為醫生，並向健康服務管理署（Health Service Executive，HSE）申請返工！而佢依家做嘅post係負責電話評估，睇吓患者嘅情況，每星期當值一次。發言人表示：即使微不足道，但仍希望可以略盡綿力！

Photo from Telegraph

任何可能接觸到病毒嘅人，需要先接受電話評估，率先把關～

Photo from The Guardian

據了解，瓦拉德卡以前做過醫生7年，之後就棄醫從政，2013年從執業醫師名單中除名。佢嚟自醫護家庭，爸爸係醫生，媽媽就係護士，佢嘅另一半、姐妹同姐妹嘅丈夫都係從事醫療保健工作。

4月1愚人節嗰日就有條片喺愛爾蘭瘋傳，影片見到當市民要外出嘅時候，一打開門就會見到愛爾蘭總理瓦拉德卡對住你耍手拎頭，搞笑呼籲大家唔好出街！

但瓦拉德卡就喺自己Twitter到話，片中嗰個絕對唔係佢喎～仲話唔係唔畀大家出門，離開屋企做運動係冇問題嘅（前提係只可以離開屋企2公里範圍～）

@alicediver

Leo Varadkar always watching ##foryoupage ##Aprilfools ##chopshop ##ireland ##lockdown ##corona ##isolation

♬ Stop! Wait a Minute - Bruno Mars, Tik Tok

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

意大利疫情嚴重！50歲市長投身抗疫前線做護士 曾做過無國界醫生做志願者

03 April 2020

新冠肺炎（武漢肺炎）全球確診人數已超過100萬，意大利有逾10萬人感染，成全球第二多確診國。

【武漢肺炎懶人包】：
香港確診人數及家居檢疫名單｜病徵｜潛伏期｜口罩供應｜退機票｜房網退訂｜家居消毒

感染者中不乏前線醫護於工作期間受到感染，不得不離開前線，接受治療。

Photo from shutterstock

面對眾多患者，醫護人員嚴重不足，意大利阿索洛市市長Mauro Migliorini決定投身抗疫前線，去醫院照顧新冠肺炎（武漢肺炎）患者。

Photo from Mauro Migliorini Sindaco di Asolo Facebook

Mauro Migliorini之前係護士，曾參與無國界醫生嘅救援工作，去過霍亂疫區。

佢得知醫護人手短缺嘅情況，深思熟慮後作出決定，喺佢重返醫院抗疫嘅期間，將會透過社交媒體指導全市工作。

Photo from shutterstock

為安全起見，佢亦同家人、同事商量好，起居飲食都會自己單獨進行。

資料來源：The Washington Post

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）