【尖沙咀美食】 90後老闆逆市開創石磨腸粉小店 ：不要忘記這大半年發生的事！

呢間主打石磨腸粉和手工餃子的小店「不忘」於今年2月開業，走過社會運動、武漢肺炎，仍堅持於尖沙咀開店，可算是逆市開業。選擇做腸粉和餃子是因為想做一些傳統的美食，希望能在香港承傳下去。

老闊指：「人係好善忘，包括我自己，其實有好多野都唔應該忘記，起呢個名係想提自己同提身邊嘅人，要記住自己覺得重要嘅野，無論親情友情愛情或者係自己所追求嘅野。」因此將小店命名為「不忘」，是希望香港人不要忘記初心，不要忘記這大半年發生的事！

店主之一曾到過雲浮跟師傅學做當地的正宗石磨腸粉，特地將五彩石磨從雲浮帶來香港。腸粉有九款配料想點配搭都得，每朝鮮磨嘅泰國米漿，特別細滑。

石磨腸粉 (任選2款配料＋水餃6隻 $55)
即叫即蒸，鮮豬肉碎加蝦米係小店推介口味之一，蝦米嘅鮮香加上鮮豬肉嘅肉味就夠香口。另外香蔥肥牛配雞蛋、薑蓉豬潤配芫茜～

另外店主用豉油加上羅漢果同蝦皮等材料特調，令豉油味道更豐富更香～

雞湯手工水餃 ($48／10隻)
餐廳的3款水餃都是全人手包製，可選擇雲耳椰菜豬肉餃、韭菜豬肉餃、粟米豬肉餃

秘製手工生煎餃 ($50／10隻)
煎餃脆卜卜會較惹味，皮厚薄適中

全新推出餃子清湯米線 ($42) (+$10牛丸2粒)
非常足料的餃子清湯米線，4粒餃子再配上肉碎，必食他們的手炒麻辣醬！牛丸選用潮州老字號福合埕的牛丸，人手打成，口感彈牙又富有牛味。

不忘
地址：尖沙咀金巴利街1E號地舖
營業時間：星期一至六 08:00 - 21:30；星期日 13:00 - 21:0

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）