台灣36日後昨首次零確診 圓山飯店亮燈慶祝：Zero！

台灣防疫進度一向走在最前，抗疫措施做得快、狠、準，所以佢哋確診及死亡數字相對偏低！琴日係佢哋自3月9日以嚟（36日後）首次再度零確診，台北圓山大飯店特別喺夜晚亮燈，喺正大樓前打出大大隻「ZERO」字樣，向全台灣同全世界宣布：「我們做到啦」！台灣零確診令全台灣人民非常振奮、鼓舞！

Photo from shutterstock

圓山大飯店就喺自己嘅Facebook話：「守成不易，繼續防疫！」，公開向醫護致謝，多謝佢哋嘅付出，更感激台灣人民嘅堅持同努力，鼓勵大家繼續加油！佢亦都話， 呢段時間大家要團結～

Photo from 圓山飯店Facebook

台灣防疫指揮中心指揮官陳時中喺記者會上就話：「新冠肺炎傳染病仲未結束，雖不可輕忽，但是值得高興，希望這個狀況能持續維持下去。」

台灣從3月19日禁止外國人入境，回國人士必須家居隔離14日，違規者要重罰100萬台幣（約26萬元港幣），措施非常嚴厲，有效阻嚇當地市民！另一方面，佢哋檢疫結束嘅時候仲會發放14000台幣嘅防疫補償金，實行軟硬兼施，先可以咁快控制到疫情，值得其他國家/地區參考！

Photo from shutterstock

小編希望香港零確診嘅一日快啲嚟，咁就可以快啲過返正常生活！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）