大阪進入緊急狀態！打卡景點固力果人招牌宣告關燈 重新亮燈日期未確定！

去大阪旅遊嘅人好多都會去固力果人面前擺返同一個pose影相打卡，令呢個廣告燈牌成為當地其中一個旅遊熱點。

由於新冠肺炎（武漢肺炎）疫情影響，日本首相安倍晉三宣布7都府縣進入緊急狀態，包括大阪。當地唔再提供夜間照明。

為免拍攝相片而令人流增多，甚至導致人群擠塞，人氣打卡熱點固力果人亦會熄燈。

暫時仍未落實重新亮燈嘅日期，當地官員表示希望各位打卡人士保持克制。

而固力果公司就指固力果人廣告牌自2011年3月東日本大地震以嚟首次關閉，當時熄燈約一個月後重開。

固力果人招牌可以話係地標，希望疫情快啲過去，燈牌可以早日重開～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）