意大利7旬夫婦患新冠肺炎 ICU內慶祝金婚！

新冠肺炎令全球嘅人聽到都驚～但只要有愛，咩難關都可以克服到！

意大利一對7旬夫婦不幸一齊感染到新冠肺炎，有位有心嘅護士Roberta Ferretti，知道佢哋即將邁向結婚50週年，就連同其他醫護幫佢哋喺ICU搞咗個慶祝金婚派對。

Photo from DailyMail

護士Ferretti 話：老婆Sandra成日都喺到喊，佢唔係因為自己病情而喊，而係好擔心老公Giancarlo！佢話佢老公成日同佢講，過咗咁多年都仍然係咁愛佢，始終如一！所以當我知道佢哋嘅結婚週年之後，就想幫佢哋慶祝！

兩夫婦被安排到同一個ICU，大家都戴上呼吸器。Ferretti 話：「我哋將50字樣嘅蠟燭插喺一件小蛋糕上面，但冇點火！因為唔可以喺接近氧氣（濃度高）嘅地方點火好危險！我哋播咗首結婚進行曲，將佢哋嘅床擺埋一齊～佢哋用僅餘嘅力氣拖住對方！」

Photo from DailyMail

Photo from DailyMail

呢個金婚派對舉行咗10分鐘左右，喺張相見到所有員工都著上整套保護裝備，企喺兩夫婦側邊，一齊向鏡頭展示心型手勢！

Ferretti非常感動，「係一個好美好嘅時刻，丈夫不斷重複講佢有幾愛老婆，聽到之後，我哋每個都感動到喊。喺呢個空間入面，你會感受到你一生嚮往得到嘅愛！」

Photo from DailyMail

當地媒體指，呢對夫婦康復進度良好，有望可以一齊出院！

所以話，愛可以戰勝一切！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）