澳洲山火後3個月 首批獲救樹熊終重返家園！保育組織將關注野外生態

上年澳洲大火令大量野生動物流離失所，相關嘅新聞令人心痛。

事隔幾個月，情況已有所好轉，首批獲救樹熊更重返家園。

澳洲山火延燒幾個月，數以億計嘅動物葬身火海，其中包括澳洲代表性動物—樹熊。

Photo from Port Macquarie

國內多個組織都派人喺火場中拯救出樹熊，同時更照顧、醫治受傷佢哋嘅傷勢。

經過幾個月嘅細心照料，樹熊終於恢復健康！保育組織「Science for Wildlife」從大火中救出嘅樹熊，喺新南威爾斯州嘅Taronga Zoo中休養3個月後，終於返回自然棲息地。

Photo from 經過幾個月嘅細心照料，樹熊終於恢復健康！保育組織「Science for Wildlife」從大火中救出嘅樹熊，喺新南威爾斯州嘅Taronga Zoo中休養3個月後，終於返回自然棲息地。

組織成員Kellie Leigh博士指大火後一直忙於評估棲息地被燒毀嘅面積，最近澳洲降雨令情況得以改善，出現好多植物供樹熊食用。

Photo from Port Macquarie

佢又表示之後組織會用無線電追蹤樹熊，密切關注佢哋。

除咗Science for Wildlife之外，樹熊醫院Port Macquarie亦喺山火中救出49隻樹熊，佢哋嘅棲息地最近因落雨逐漸恢復，所以決定將獲救樹熊送歸野外。

Photo from Port Macquarie

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）