【動物森友會】風水佈置攻略！傢具擺放教學 可提高房間評分！

玩《動物森友會》其中一樣重點就喺佈置自己屋企喇！各種唔同風格嘅傢具創造自己獨一無二嘅房間。

不過其實傢具嘅擺放原來會影響「風水」，可以改變運勢，令你增強好運㗎！

首先喺《動物森友會》入面有一個「快樂家協會」嘅組織，玩家每星期六都會喺屋企門口郵箱收到佢哋寄嚟嘅房間評鑑分數，去到唔同分數可以獲得唔同嘅獎牌。而快樂家協會嘅評分標準其中一項就係「風水」喇！

Photo from PressLogic

房間風水會影響玩家運勢！當中主要分成3個部份：黃色金錢運、紅色道具運、綠色整體運。

提升金錢運，可以令玩家敲石頭同搖金錢樹所獲得鈴錢有機會會變多、射氣球獲得鈴錢嘅機率增加、可以用低價購入島民同NPC物品等。

Photo from PressLogic

Photo from PressLogic

提升道具運，可令玩家搖樹、射氣球、同島民對話等出現普通同稀有道具嘅機率增加。

Photo from PressLogic

提升整體運，可以增加Nook商店、商人出售稀有商品的機率。

Photo from PressLogic

咁點先可以增加運勢呢？就係睇傢具嘅顏色同擺放位置喇！

網友整理出傢具相應嘅擺放位置，細房為4格x4格；擴建1次嘅中房為6格x6格；擴建2次嘅大房為8格x8格。

Photo from Twitter @batterycapacity

房間西方2行（包括牆壁）擺放黃色色系傢具，增加金錢運。

房間南方2行（包括牆壁）位置擺放綠色系傢具，可增加整體運。

房間東方2行（包括牆壁）擺放紅色色系傢具，可增加道具運。

Photo from PressLogic

房間左下角同右下角兩種顏色都可以擺，擺咩色就會增加對應嘅運氣，如果左下角擺黃綠色傢具，就會同時增加金錢運同整體運；右下角擺紅綠色傢具就會同時增加道具運同整體運。

Photo from PressLogic

有幾點要注意：

1. 傢具擺放唔可以超過2格範圍，如果傢具尺寸過大，就唔會有效果

2. 放置同色系物件喺枱上都可以增加運勢

3. 玩家可以透過改造傢具，改變傢具嘅顏色

4. 風水大法暫時只適用於入屋後嘅主房間，其他房間有無風水效果未能確認

延伸閱讀：

【動物森友會】18種素材島類型！最高效率刷素材！捉狼蛛免被咬方法教學

【附QR code】Switch《動物森友會》超靚主題服裝 哈利波特/百變小櫻/反斗奇兵

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）