荷蘭老人院因疫情禁探訪 消防借雲梯助家屬見最後一面！

荷蘭護老院為預防新冠肺炎（武漢肺炎），暫時禁止探訪！一個87歲老翁病危，佢嘅家人獲消防答應借出雲梯，升上4樓隔住個窗見佢最後一面！

87歲病重老翁Henry Nijhove住喺荷蘭阿姆斯特丹附近一間護老院，佢唔係武漢肺炎患者，但健康狀況轉差，院方通知家人要有心理準備。

Photo from CEN

護老院為防疫症蔓延，暫時謝絕一律探訪，連見親人最後一面都唔。Nijhove嘅孫女Chante唔想爺爺連同屋企人道別嘅機會都冇就離世，走投無路之下，就求助當地消防隊長！Chante話自從3月19日後，就冇同爺爺見過面，所以非常渴望可以見佢最後一面！

Photo from CEN

消防部門毫不猶豫咁應承咗佢，借出雲梯車送佢哋上4樓，隔窗同Nijhove見面道別！

Chante喺Facebook上感激消防嘅仗義幫忙︰「無盡感激，已沒有其他字詞可形容」。

Photo from CEN

當地消防咁人性化嘅做法，得到唔少讚賞！每個地方都值得學習！

資料來源：DailyMail

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）