退休20年84歲老護士 為疫情重返崗位後染疫亡！

新冠肺炎（武漢肺炎）令全球出現「醫護荒」，醫護人手不足，唔少已經離開咗崗位嘅人，都主動重返前線，好似愛爾蘭總理、英國小姐冠軍咁，希望可以為當地醫護出一分力，減輕佢哋嘅負擔！

而英國有位84歲嘅老護士，已經退咗休20年，曾經任職助理護士40年。最近因為疫情，佢就決定做返護士！佢咁高齡，仍然係要每星期當值3晚。不過好不幸咁喺工作期間染上武漢肺炎，入院後3日就病逝！佢當值醫院嘅主席大讚佢係醫護傳奇～

Photo from sky news

Photo from shutterstock

佢孫女就喺Facebook 上載佢同婆婆嘅生活照，紀念同向婆婆致敬：「我好自豪可以佢係我婆婆，佢係一位勤力、有愛心同完美嘅女士。佢將自己人生奉獻他人，咁嘅年齡仍喺醫院（國民保健服務）中擔任夜班護士。」

Photo from facebook@Hannah Tapley

Photo from facebook@Hannah Tapley

另一個擔任急症室高級主管護士孫仔Tom Wood話婆婆係佢嘅「啟蒙者」，「佢係我做護士嘅重要原因，佢為自己嘅工作而自豪，同時保持謙卑之心。同埋佢對做護士有份衝勁，當我諗緊返1日定2日好嘅時候，佢諗都唔諗就返足3日！」

多謝婆婆嘅付出！願佢喺天堂再冇痛苦～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）