YouTube免費睇！休館特別企劃　三鷹之森吉卜力美術館破例公開館內環境

新冠肺炎疫情影響全球，自早前日本進入全國緊急狀態後，多個旅遊景點都喺網上推出免費導覽。

而位於東京吉祥寺以日本動畫大師宮崎駿作品為主題嘅三鷹之森吉卜力美術館近日亦喺網上推出「休館中特別企劃」。

Photo from 三鷹の森ジブリ美術館

今次依個企劃無係以虛擬導覽嘅方式破例公開館內環境面貌，畀各位因為疫情而去唔到嘅粉絲止吓癮。

佢哋特意喺YouTube開設官方頻道「三鷹の森ジブリ美術館 GHIBLI MUSEUM, MITAKA 」，並喺頻道中公開館內環境片段，再配上簡單嘅文子，就好似真係有美術館職員帶大家深入館內每一個角落一樣！

Photo from 三鷹の森ジブリ美術館

目前佢哋已經上傳咗兩段影片，分別係美術館接待處天花上嘅壁畫同1樓常設展示室嘅環境。

Photo from 三鷹の森ジブリ美術館

Photo from 三鷹の森ジブリ美術館

壁畫上有好多宮崎駿筆下為人熟悉嘅角色，如《龍貓》中嘅貓巴士、草子、次子、《魔女宅急便》中嘅天師、琪琪等。

Photo from 三鷹の森ジブリ美術館

而1樓嘅常設展示室，就展出咗吉卜力動畫嘅工作室環境，片中仲可以睇到歷年嚟宮崎駿作品嘅原稿添～

Photo from 三鷹の森ジブリ美術館

Photo from 三鷹の森ジブリ美術館

其實三鷹之森吉卜力美術館係疫情開始時已開始休館，美術館今次推出依個休館特別企劃，的確對唔少預定咗想去睇嘅粉絲係一大福利！

大家記得唔好錯過喇！

三鷹の森ジブリ美術館 GHIBLI MUSEUM, MITAKA