YouTube將刪除有關疫情假消息 CEO：與世衛（WHO）建議不符內容會被移除

新冠肺炎（武漢肺炎）疫情持續，網絡上出現唔少相關資訊。

唔少社交媒體都推出政策，阻止假消息廣泛流傳。

【武漢肺炎懶人包】：
香港確診人數及家居檢疫名單｜病徵｜潛伏期｜口罩供應｜退機票｜房網退訂｜家居消毒

YouTube CEO Susan Wojcicki接受CNN訪問就提到YouTube對於不實消息嘅處理方法。

佢表示YouTube上具權威性嘅影片點擊率比舊年同期上升75%，需要重新釐清疫情期間對影片嘅審查標準。

主持人問到點處理疫情期間出現嘅錯誤資訊，佢指任何未經醫學證實嘅消息，如食用某類食品可治癒新冠肺炎（武漢肺炎）等消息，或者同世界衛生組織（WHO）建議有唔同嘅內容，都會因為違反Youtube政策被移除。

佢指假消息傳播速度太快，必須採取更嚴厲手段應對，因此要將假消息影片移除而唔係僅標註為假消息。

早前YouTube為咗阻止有人以疫情獲利，將同新冠肺炎（武漢肺炎）有關嘅影片「黃標」處理，引起全球YouTuber不滿。

資料來源：CNN

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）