羅志祥深夜再發文正式道歉：向被我欺騙過以及不尊重過的所有女性道歉

內地網紅周揚青發微博宣布同拍拖9年嘅男友小豬羅志祥正式分手，仲大爆佢多次劈腿，甚至經常舉行正常人都無法想像的嘅「多人運動」！

而羅志祥其後亦發微博回應指「很多事不是隻言片語就可以去說清楚 也不再去解釋」

不過今日凌晨5點多，佢再次發微博向周扬青道歉，指自己唔識珍惜呢段感情，同時亦向被佢欺騙過以及唔尊重過嘅所有女性道歉。

「對於這份感情我要向周揚青小姐
鄭重的道歉 對不起 我錯了！
你在這九年裡為我付出了全部 是我不懂得去珍惜這段感情 不懂去珍惜一個最愛我的人 幼稚及僥倖的心態一次又一次欺騙你 讓妳受傷 難過
我確實犯了很多的錯誤 我也要向被我欺騙過以及不尊重過的所有女性道歉
對不起 我會承擔這ㄧ切的後果」

有媒體爆料兩人相戀9年，其實連婚房都買埋，到咗籌備婚姻嘅階段。但周揚青喺今年1月睇咗羅志祥手機後提出分手。

由於周揚青喺分手文中提到：「你和曾經介紹給我見過的你旗下的女藝人 甚至你的化妝師 都有長期不正當男女關係」，令人立即諗起羅志祥旗下唯一女藝人「蝴蝶姐姐」愷樂，而周揚青更點名提到蝴蝶。

有人喺IG留言表示支持並建議佢去檢查身體，佢表示分手馬上就去檢查了。更點名蝴蝶姐姐指：「你是說讓蝴蝶去檢查身體嗎？?」

唔少網友都表示以後無法直視《娛樂百分百》。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）