《哈利波特》粉絲必搶筍工！美國招戲迷煲晒10套電影　唔止有錢賺仲提供埋零食

新冠肺炎（武漢肺炎）全球大流行，雖然唔少國家嘅疫情都有所緩和，但仲未代表可以鬆懈。

早前就有一份喺網上公開招聘《哈利波特》粉絲嘅筍工。

依份工係美國一個專門研究大學排名及評論網站EDsmart.com嘅招聘廣告，招聘戲迷觀看《哈利波特》系列電影。

Photo from EDsmart.com

招聘中搞笑咁指大家依段時間都去唔到「斜角巷」Shopping，亦因為停課而返唔到霍格華茲見朋友，因此想招募5名「麻瓜」及「魔法師」，觀看全套《哈利波特》系列及前傳電影。

Photo from 電影《HarryPotter》

包括《哈利波特：神秘的魔法石》、《消失的密室》、《阿茲卡班的逃犯》、《火盃的考驗》、《鳳凰會的密令》、《混血王子的背叛》、《死神的聖物Ⅰ》以及《死神的聖物Ⅱ》共8部戲，以及《怪獸與牠們的產地》和《怪獸與葛林戴華德之罪》兩部前傳電影，一共需時1446分鐘、約25小時。

Photo from EDsmart.com

貼文中仲寫明佢哋會提供所有電影嘅藍光碟及《哈利波特》馬拉松生存裝備，裝備包括：牛油啤酒焦糖爆谷、怪味糖、奇怪青蛙朱古力零食包及霍格華茲不銹鋼保溫杯。

除此之外，成功受聘嘅人仲會得到1000美元薪酬及美國外賣訂餐平台GrubHub的100美元禮品券。

Photo from EDsmart.com

當然唔係只係齋睇喇！EDsmart.com希望被招攬嘅哈利波特粉絲，可以活躍於社交媒體，並喺其社交網站上發文或直播電影觀看體驗，同時亦要標記「@getedsmart」，最後再為每部電影排名。

Photo from 《怪獸與牠們的產地》

不過，有一點必須提醒大家，招聘中列明申請人必須年滿18歲，並可於美國合法工作，及須填寫200字簡介解釋自己適合此職位嘅理由。

Photo from 電影《HarryPotter》

招聘截止日期去到5月15日，有興趣嘅麻瓜們不妨試吓～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）