開餐啦！！東京吉卜力美術館全新展覽，展出電影中各種美食，人物角色開餐畫面，小心一邊睇一邊流口水～

宮崎駿電影好睇就唔需要多講啦，千與千尋同龍貓電影一直陪住大家成長～～除左內容故事夠動人、畫風出色之外，電影入面出現嘅美食，相信大家都非常深刻，熱辣辣嘅拉麵、飽滿多汁嘅肉包子、香脆可口嘅煙肉煎蛋，睇戲嘅時候係咪好肚餓呢～～東京吉卜力美術館5月將會有全新展區，大家可以重溫電影中各種美食情節，小心愈睇愈肚餓!!!

Photo from ghibli-museum.jp/

東京吉卜力美術館5月27日會有全新嘅作品展覽，到時會展出各電影中出現嘅美食，同埋角色狼吞虎嚥嘅食相～～之前有網民就將呢d咁吸引嘅美食，神還原煮左出嚟，可想而知大家對宮崎駿電影熱愛程度有幾高，今次嘅作品展大家可以大飽眼福了～～

Photo from 天空之城電影照片

《天空之城》呢塊荷包蛋多士，係咁多種宮崎駿電影入面，稱為「最想食」頭號No.1！！！到時候當然會有佢出現啦～

Photo from 千與千尋電影照片

作品展亦會展出《千與千尋》電影中，千尋一路喊一路食白龍送俾佢嘅魔法飯糰，呢一幕咁經典，大家一定記得啦！！

Photo from 哈爾移動城堡電影照片

《哈爾移動城堡》入面，煎到香噴噴嘅煙肉同太陽蛋，唔知大家睇嘅時候有無流口水呢？呢一份煙肉煎雙蛋亦係「最想食」排行榜佔據好高嘅位置～～

Photo from 哈爾移動城堡電影照片

Photo from 天空之城電影照片

部份電影情境更加會真實1:1呈現出嚟，到時會見到《天空之城》嘅煮食間，唔知會唔會見到肉丸湯呢～

Photo from 龍貓電影照片

《龍貓》大卷草子屋企嘅廚房都有！！！希望會有煤炭屎鬼出現啦～

Photo from 千與千尋電影照片

新展覽會將原畫，同埋製作資料展示出嚟，亦會將每個情節包含嘅意思話俾大家聽～～想睇就快d去買飛啦～～

三鷹之森吉卜力美術館
地址：東京都三鷹市下連雀1丁目1-83
網址：ghibli-museum.jp

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）