童年陰影！《雞皮疙瘩》系列恐怖小說將開拍真人版劇集！

近年興起開拍真人版電影，迪士尼多部經典動畫都有真人版電影，包括《阿拉丁》、《白雪公主》、《小姐與流氓》等。

除咗動畫之外，仲有改編小說嘅真人電影。

又有一部「童年回憶」將要開拍真人劇集喇！就係《雞皮疙瘩》系列恐怖小說～

《雞皮疙瘩》系列由兒童書作家R.L.史坦恩創作，至今已翻譯成32種語言版本。

呢個系列簡直係童年陰影！可以話係童年最好睇嘅鬼故。

其實《雞皮疙瘩》系列之前已經拍過真人版電影同電視劇。1990年代，就拍過一部《雞皮疙瘩》電視劇，仲出咗幾季添～真人版電影《書中自有魔怪谷》都喺2015年上映。

今次劇集將由電影《書中自有魔怪谷》（Goosebumps）監製、索尼影業電視部門同Scholastic Entertainment攜手合作打造。

暫時未知原作者R.L.史坦恩（R.L. Stine）會唔會參與製作，亦唔知劇集內容會來自邊個故事。

但消息傳出後即引嚟好多人嘅期待啦！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）