母親節高CP值行程！ifc互動遊戲賞驚喜小禮物錫住荷包歎星級母親節大餐

By Mag on 08 May 2020

Digital Editor

旅孩一個。愛用文字紀錄生活。

今個星期日就係母親節，相信隨住政府放寬限聚令，大家都會選擇同媽咪出外慶祝，答謝佢一年來為家庭嘅辛苦奉獻。不過時間緊迫，要預備母親節活動同禮物，都真係幾傷腦筋！小編就發現中環ifc 商場新推春日主題活動，不但設有獎互動遊戲同超適合媽咪嘅小禮物，仲有一連串Shopping同餐飲優惠獎賞！方便仔女們安排超高CP值嘅母親節行程㗎！！

第一站：「Happiness is in the Air」互動遊戲羸禮品

商場以春天同「beautiful: little things in life」為主題，故名思義就係畀大家感受春日溫暖幸福嘅感覺！大家同媽咪嚟到商場一樓，可以先挑戰呢個超治癒嘅「Happiness is in the Air」互動遊戲。大家可以喺遊戲中化身成馬戲團小丑，挑戰將氣球停留空中，同屋企人一決高下！

Photo from ifc

玩遊戲固然開心，羸咗有獎就更加驚喜！只要勝出遊戲，就可以得到一份迷你小禮包，包括福茗堂Secret Garden 茶包，同埋一份由商場內健康或美妝商戶送出嘅Surprise gift，啱晒媽咪養生同扮靚靚！

Photo from ifc

第二站：陪媽咪Happy Shopping 盡情掃禮物

仔女陪媽咪行街 Shopping 同時買埋母親節禮物，媽咪一定甜到入心！不過想媽咪買得開心同時錫住自己荷包，小編推薦大家善用ifc 商場嘅春日限定消費禮遇！只要同日以電子貨幣消費滿港幣 2,000元至5,999元*，即可獲贈city’super港幣100元購物禮券。而消費滿港幣6,000 元或以上*，仲可以得到Lane Crawford 港幣300元購物禮券！多買多慳，母親大人又可以盡情選購家品美食、換個靚靚手袋，一舉兩得！

最後一站：人氣食府歎母親節大餐

行完街街再請媽咪食大餐，係每年母親節嘅指定動作。ifc商場名牌食府林立，唔少喺裝潢同食物上都極具品味，讓一家人享受到與眾不同嘅母親節晚餐。比如係去年由倫敦進駐香港嘅 Duck & Waffle，主打極富創意嘅新派英國菜，招牌名菜鴨肉窩夫必定令媽咪一試難忘。如果媽咪鐘情亞洲菜嘅話，國金軒、四季菊、金色不如帰等，都係海景美酒佳餚兼備嘅著名餐廳。

眼花繚亂唔知點揀好？而家只要喺商場內任何餐廳及酒吧同日以電子貨幣單一消費滿港幣 200元*，就可獲贈ifc商場港幣100元餐飲禮券。全家盡情品嚐各國美食，今個母親節就夠晒滿足啦！

Photo from ifc