阿嬌離婚有跡可尋？已刪除澄清前夫出軌微博！細數3大情已逝跡象

阿嬌宣布同賴弘國已經3月1號簽紙離婚，婚姻僅維繫14個月。

喺呢段婚姻期間，曾多次傳出婚變，但每次雙方都出面澄清。

然而今日阿嬌同賴弘國宣布離婚後，卻刪除2019年9月2日澄清前夫出軌嘅微博。

爆料指阿嬌結婚不久已後悔，曾多次提出離婚，只係因為簽咗真人騷節目所以無奈下繼續婚姻。

其實阿嬌喺呢兩年婚變有跡可尋，有3大跡象：

1. 無戴結婚戒指

之前宋慧喬未同宋仲基宣布離婚之前，已經有人留意到宋慧喬喺公開場合無戴結婚戒指，質疑兩人婚變。

後來佢哋真係宣布離婚，而上個月賴弘國出席活動時未有戴婚戒，當時已引起唔少網友猜測。

2. 睇小鮮肉

疫情期間阿嬌從馬來西亞返港，需要居家隔離14日，3月31日凌晨有人發現阿嬌豪擲近2萬蚊人民幣，連刷多份禮物打賞抖音主播小鮮肉。

直播期間，阿嬌指自己睇中對方靚仔先入直播間，呢位小鮮肉男主播叫余衍隆，今年20歲。

3. IG多日無更新

阿嬌Instagram最後一張相已經係2019年，多月未有更新同老公嘅合照。

賴弘國2018年同阿嬌結婚，更喺美國辦婚前派對，賴弘國曾自爆，為咗同阿嬌結婚就破產，為咗買結婚戒指甚至「刷爆卡」。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）