【阿嬌離婚】賴弘國話封口但再回應離婚原因否認出軌 前妻亦發聲

阿嬌鍾欣潼同老公賴弘國嘅婚姻僅維繫14個月就宣布離婚，而賴弘國本人亦發千字文回憶起往日同阿嬌相處點滴。

琴晚一個自稱係賴弘國前妻「華航林依晨」Ivy嘅帳號喺微博發聲。

該帳號指見到賴先生上新聞頭條「蠻驚訝的但是也不覺得有什麼奇怪的」：「我和賴先生是於2014年相識相戀2016年登記結婚 這段婚姻關係僅維持半年就以彼此祝福收場，不是我不愛他了，而是我無法忍受男生出軌偷吃[微笑] 用了很長一段時間才走出這段失敗婚姻感情 但是也要感謝他造就更好的我，今日又看到他上新聞頭條 蠻驚訝的但是也不覺得有什麼奇怪的??‍♀️早就新生的我 今日的我 ！
你的痛 你的難過 我都懂 @鍾欣潼」

疑暗指賴弘國出軌早有前科，但後來改文，將「我無法忍受男生出軌偷吃」改成「幸福確實是存在，唯一可惜的是不夠長久」

最後該帳號更刪除相關文章。而Ivy本人喺Instagram Story分享整蛋糕嘅相片，並留言指：「才不管別人發生什麼事，老娘專心做蛋糕」，佢再喺IG指該微博帳號幾年前假冒佢周圍騙錢，佢hashtag「別人的幸福誰也干涉不了」、「不要再消費別人了」，表明同前夫已無關係，唔想再干涉他人。

而發表咗千字文嘅賴弘國喺文末提到「以後關於婚姻的問題，不再做任何回應」，但仍有回覆留言。

對於阿嬌閨蜜爆料指賴弘國婚後又不時同網紅來往過密，賴弘國回應指：「沒關係，我行得正，如果我有敢Po這種文？」

微博有網友留言問佢有無出軌，佢再回：「沒有出軌，沒有偷吃，好聚好散而已」

IG亦有網友批評佢作為男人，唔應該將罪名推到阿嬌身上，佢亦有回應稱：「離婚不是罪！」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）