【賭王何鴻燊病逝】足本文字版！家屬醫院外作交代：今後將繼續何博士惠澤社會嘅責任

一代賭王何鴻燊近年屢傳病況轉差，需要長期入住深切治療部(ICU)嘅何鴻燊，近日情況急轉直下並處於彌留狀態，而昨晚喺家人陪同下，展現強大求生意志，一度張開眼睛，但因身體仍然虛弱，不可以再打強心針，最終延至今午病逝，享年98歲。

各房眾人於香港養和醫院交代賭王何鴻燊一事。

Photo from 賭王何鴻燊

二房何超瓊代表發言：「多謝各位，過往呢幾日好辛苦，家人好感謝媒體嘅體諒。今日全部何家家族一同交代，何鴻燊家屬懷着沈重心情，今日爸爸一點喺香港養和醫院安詳離世，享年98歲。何博士喺香港舉足輕重，德高望重，好愛惜香港人。傳承我哋好重要嘅家庭教育，成為我哋嘅人生教誨，取之社會，用之社會，我哋會繼續。我哋都知道有呢一刻終於來臨，爸爸會永遠留喺所有家人心中。希望用我哋自己嘅上進心，繼續完成爸爸惠澤社會嘅負責，希望大家尊重我哋家人，我哋有共識去處理後事。」

Photo from 香港電台

之後何超賢再以英文交代。

而提及後事安排，則指未有進一步決定，有消息會再通知大家。

Photo from 香港電台

記者會完成後，何家回到醫院，而三太及超雲乘車離開。

Photo from HolidaySmart

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）