印度懷孕大象被蓄意餵食炸彈菠蘿 獨自遠離人群躲河中等死！

人類往往都唔識愛護其他生物，但其他動物就處處保護我哋人類，比人類更有人性！最近，印度有隻懷孕大象被兩名冷血兇徒蓄意餵藏有炸彈嘅菠蘿，母象當場被炸死，血流成河！兇徒手段兇殘，事件曝光後，引起民憤，印度當局表示會盡速將兇徒緝拿歸案！

Photo from twitter@Akshay Kumar

根據印度傳媒報道，當時印度喀拉拉邦一處河流附近，有民眾發現一隻懷孕大象瑟縮河邊一角，全身不停震。後來母象嘅嘴、頭突然炸裂，現場民眾都大吃一驚加手足無措，母象最終重傷慘死，血液染紅河流！到場嘅動物保護人員最後只好將殘缺嘅屍體拖上岸，進行火化！

Photo from Twitter@Randeep Hooda

根據一個有份參與救援嘅動保員表示：「當我到達現場時，母象轉身遠離人群，獨自走到河入面。後來無論我哋點叫佢，佢都唔想再靠近我哋，只係企喺河一角顫抖。」

當地警方及動保人員到場調查後發現，有兩名男子事發前疑似將自製嘅炸彈收埋喺一個菠蘿入面，然後走到河邊引誘懷孕大象去食。

Photo from India Today

目撃者指，嗰隻母象食咗個「菠蘿」之後，嗰兩個男人仲嬉皮笑臉，之後就急急腳離開現場。

母象到死嘅一刻都係為人類著想，相反，人類就為咗一時貪玩，犧牲兩條生命！希望印度當局可以盡快將嗰兩嗰兇徒繩之於法！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）