幫肌膚叉足電！全新韓國製「10天面膜」帶你check-in日本伊豆、濟州、北海道，極速綻放水亮Holiday Skin

By Sherry on 06 Jun 2020

Editor

愛旅遊愛寫意，愛享受悠閒靜謐的時光～

呢幾個月冇得放假去旅行Relax，仲要成日戴住口罩，搞到皮膚都差晒！(哭) 望到啲皮膚「乾爭爭」，膚色暗啞無光，仲要毛孔粗大，究竟點先可以幫肌膚叉足電，回復最佳狀態？小編覺得趁住宜家成日喺屋企，敷返個靚Mask就啱曬喇～私心推薦近日OLAY全新推出嘅韓國製「10天面膜」，事關3款面膜分別蘊含源自日本伊豆、濟州同北海道嘅大自然精萃，加埋強勁嘅皇牌B3保濕科技，幫皮膚秒速急救、保濕！加上超貼面嘅面膜剪裁，敷住塊mask好似帶肌膚去咗次旅行咁，用完真係有返旅行時「容光煥發」嘅 #Holiday Skin！90%用家試用後一致好評推薦*，大讚超Work！

*130位女士使用OLAY全新韓國製B3面膜10天後之調查結果

10天肌膚之旅！自選旅程，體驗3種不同「專櫃級」療癒享受～

Photo from OLAY

無論身心定肌膚都好需要適時放鬆，chur得太盡就會問題百出，尤其連月嚟成日戴口罩焗住皮膚，所以梗係要畀佢放返個靚假喇！OLAY 全新推出嘅3款韓國製「10天面膜」就畀你自選「旅程」享受唔同嘅肌膚體驗，由日本伊豆嘅「亮澤之旅」、濟州嘅「補水之旅」到北海道嘅「細緻之旅」，針對唔同嘅肌膚需要，畀你專櫃級嘅療癒護膚享受～

暗黃肌必備！10日伊豆之旅，體驗山茶花亮澤力量！
全新「粉紅山茶面膜」 180%水嫩透亮！

要擁有好似日韓女仔白裡透紅、剔透有光澤嘅肌膚，只需要pick「粉紅山茶面膜」就可以喇！呢款包裝超級少女心嘅面膜加入專櫃護膚品常見嘅珍貴亮澤保濕成分 - 山茶花萃取，而且所採用嘅山茶花仲要係嚟自有「山茶花之鄉」美譽嘅日本伊豆?～山茶花所蘊含嘅豐富維他命C同氨基酸，可以強效補濕同提升肌膚光澤，而當中嘅「油酸」成分仲會喺肌膚表層形成一層保濕膜，鎖緊水分，令肌膚持久水亮！正因為佢嘅亮澤肌膚功效咁強勁，所以唔少日本女仔都好鐘意用山茶油護膚㗎！

Photo from OLAY

而每片OLAY「粉紅山茶面膜」都由60片日本伊豆山茶花花瓣提煉而成，經過獨特「低溫烘焙法」提取最高純度嘅山茶花精華，仲要添加咗OLAY純度高達99%嘅皇牌B3精華，進一步加強改善暗啞、泛黃肌膚嘅功效，配合埋極緻保濕嘅維他命B5 Pro，補濕美白一Take過，一敷即時180%水嫩透亮，keep住12小時長效保濕，真係超級有驚喜！粉紅色嘅面膜布仲要係由山茶油浸泡，極薄材質好似「second skin」咁超貼面，敷緊個陣仲傳嚟淡淡花香，感覺零舍relax呀～

沙漠肌必備！10日濟州之旅，感受熔岩海水的保濕力量！
全新「香檳海水面膜」200%保濕力！

至於擁有「沙漠肌」嘅女仔，你嘅人生必備保濕Mask終於出現喇！OLAY「香檳海水面膜」蘊含豐富美肌功效嘅濟州熔岩海水萃取，保濕功效超強大，係韓妹都一致追捧嘅保濕成分！

Photo from OLAY

韓國濟州島四面環海，唔止海水清澈，當地嘅火山活動仲孕育咗珍貴稀有、含豐富美肌功效嘅熔岩海水！火山活動所噴出嘅熔岩富含稀有礦物質，當海水喺數十萬年間通過岩盤層嘅天然過濾後，不但除去雜質，純淨度變高，更添加咗唔少稀有熔岩礦物質～相較一般海水，熔岩海水嘅水溫、鹽分同pH值仲唔受季節或者氣候變化所影響，因而擁有強大嘅保濕力量，具絕佳美肌功效！

配合OLAY「專利香檳發酵技術」將濟州熔岩海水二次發酵，令佢嘅保濕度比一般熔岩海水再高200%！

「三重保濕鎖水配方」，持久保濕12小時！

加埋佢嘅「三重保濕鎖水配方」，可以持久保濕12小時，全方位為肌膚注滿水份活力，肌膚好似「飲飽水」咁注滿水份活力，缺水肌必試！

1/ 皇牌高純度B3 (保濕抗氧化，強化肌膚屏障)
2/ 透明質酸 (鎖住肌膚自身重量1,000倍嘅水分)
3/ 維他命B5 Pro (瞬間補水並柔軟肌膚，重現水潤透明感)

加上100%天然纖維面膜材質，仲大大提升精華滲透力，92%用家同意可以令肌膚即時充滿水分^，82%用家同意持續使用10日後令到肌膚變得顯著水嫩柔軟^，「韓系澎澎肌」輕鬆GET～

^52位女士使用香檳海水面膜10天後之調查結果

10日北海道之旅，體驗細緻無瑕的修護！
全新「隱形海藻面膜」，一敷即時收細毛孔！

唔知大家呢排有無feel到毛孔粗大嘅問題特別嚴重呢？原因除咗係本身肌膚缺水之外，皮膚長期焗住，都會令到水油失衡，搞到毛孔現晒形㗎！除咗要幫肌膚做好清潔，仲要「密集補濕」，呢個時候敷上內含珍貴北海道深海巨藻萃取嘅「隱形海藻面膜」就最perfect喇～

Photo from OLAY

北海道深海巨藻萃取蘊含超豐富嘅氨基酸、礦物質同維他命，對於調節肌膚水油平衡、補水修復同埋促進肌膚自我更新相當有幫助，配合OLAY皇牌高純度B3、透明質酸仲可以強化肌膚屏障同瞬間補濕鎖水，「密集保濕」功效自然Double Up～75%用家一致認同能即時細緻毛孔*，使用 10日後毛孔顯著收細，肌膚回復細緻柔嫩*，用完之後上妝都貼啲㗎！