劉佩玥譚嘉儀合唱《原來有愛》　網友激讚聽出耳油：期待海魔譚凱琪版

2017年大熱電視劇《降魔的》早前就播出第二季《降魔的2.0》，而喺上星期就已經播出大結局，唔知大家有冇睇呢？不過原來除咗一班演員喺其社交平台上分享拍攝後感嘆不捨之外，日前胡鴻鈞更上傳佢同黃智雯一齊跳嘅《凡人不懂愛》，獲唔少網友大讚～

Photo from 《降魔的2.0》

除咗依首《凡人不懂愛》之外，其實劇中另一首海魔之歌《原來有愛》都好好聽！

早前劉佩玥（啤啤）就連同譚嘉儀（莉莉）一齊合唱，唔少人驚訝發現原來劉佩玥嘅唱功一啲都會唔輸畀歌手譚嘉儀。

Photo from 譚嘉儀/YT

其實依首唔係主題曲或片尾曲嚟，而係一首插曲嚟，係劇中海魔譚凱琪經常唱嘅一首歌，因此依首歌亦被稱為海魔之歌。

Photo from 譚凱琪/FB

唔少網友聽到依個合唱版本都大讚二人唱的好好聽，又指莉莉同啤啤之間深厚嘅感情好match依首歌。

Photo from 譚嘉儀/YT

Photo from 譚嘉儀/YT

亦有網友話想聽譚凱琪親自唱一次呀，唔知會唔會真係有「真海魔版」呢？！

Photo from 譚凱琪/FB

而譚嘉儀就有留言多謝大家支持：「雖然啤啤已去左目的地 但係啤啤同莉莉嘅愛係永遠都會存留」，仲話佢哋都好想有降魔的 3.0 添！

Photo from 譚嘉儀/YT

大家又覺得佢哋唱成點呀！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）