Apple再獲新技術專利！打破Selfie常規　 隔空影團體自拍冇難度

雖然近日疫情有所緩和，但唔少人依然會減少聚會或同朋友自拍嘅機會。但嚟緊就可能唔使同朋友見面都可以直接喺手機自拍， 然後直接合成成為團體自拍。咁就算大家天各一方，想即時隔空合照自拍都冇問題喇！

Photo from patentlyapple/Twitter

最近美國專利商標局就正式宣布蘋果公司（Apple）拎咗一系列共57項新專利，而其中一項就叫「Synthetic Group Selfies」（合成集體自拍）嘅專利。

Photo from patentlyapple/Twitter

依項專利可以畀大家喺自拍時邀請朋友加入，而系統就會將加入嘅朋友，自動將佢哋樣做分層用加入自拍畫面之中，合成出好似你同你朋友自拍咗。

Photo from printerest

專利中亦有描述指系統會自動分析擷取，將人臉頭像、辨識前景背景、去背景、將各個自拍照安排到合成嘅自拍相之中，同是大家亦可以按照需要修改頭像位置角度，輕鬆造成團體自拍嘅效果。

Photo from patentlyapple/Twitter

除咗相片之外，專利仲可以用喺直播串流影片嘅動態拍攝上。

Photo from patentlyapple/Twitter

另外，有消息指Apple喺2018年就已經提出有關專利申請，但直至最近先由美國專利商標局發布。

不過，暫時就仲未知依個專利會用喺邊一代嘅 Apple 產品之上。

以後想幾時同朋友Selfie就唔再侷限地點喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）