像真度極高！本地藝術家Paul Lung親訴人氣電視劇《歎息橋》尾片動畫背後經歷

早前 ViuTV 人氣電視劇《歎息橋》就已經大結局，依太劇自開播以嚟一直獲好唔錯嘅口碑，更被唔少網友稱為「文藝燒腦劇」、「泥沼劇」，無論喺劇本、取景、鏡頭運用定係視覺美學等各方面均帶有獨特風格。不過唔知大家有冇發現每一集嘅片尾都有一個隱藏「神秘彩蛋」呢。

Photo from ViuTV

雖然唔個大家會唔會有睇片尾嘅習慣，如果有，相信大家都會發現喺每一集片尾出現字幕嘅同時都會有一段以 Time-lapse 方式呈現嘅手繪動畫，微妙呼應每集劇情。

Photo from ViuTV

而依啲手繪動畫或劇中一系列手繪畫作都係出自本地藝術家 Paul Lung 一手包辦嘅作品，包括劇中嘅風景畫及人像，Paul Lung 採用 iPad Pro 配合 Apple Pencil (第 2 代) 和繪圖  App《Procreate》勾勒出一幅幅栩栩如生嘅像真度高嘅作品。

Photo from Paul Lung

Paul Lung 指喺《歎息橋》中，每幅片尾嘅手繪動畫都係來自他所使用的 《Procreate》內置的「Time-lapse recording」功能，並需時四至五小時才會完成，而劇中嘅彷速寫和素描則平均每幅大約一小時。

Photo from Paul Lung

Paul Lung 指會為《歎息橋》畫片末插畫時表示：「緣起是《嘆息橋》的美術指導找我畫一些劇中的道具畫，就是鏡頭中出現林保怡的畫；到後期，導演 25、肥波想用六個不同的元素去代表六位主角，當作片尾插畫，當他們知道我使用的《Procreate》能夠將整個繪畫過程錄成影片，於是我們就用了這個表達方式。」

Photo from Paul Lung

至於被問到片末出現「彩蛋」原意係咩及點解會係依啲物品是時，佢就解釋指：「 劇集採用一種很創新的編劇手法去講故事，每集都由不同角色的角度去講述同一件事，而每個角色都擁有一些 具象徵意義的物品，是很能夠代表角色的。或者是這個原 因，導演想以這些元素去暗示或呼應該集的主線角色。」

Photo from Paul Lung

另外，佢亦指出使用 iPad Pro、Apple Pencil 及《Procreate》嚟畫畫嘅方便之處：「其中一場戲講述林保怡為女主角繪畫人像素描，畫面上自然需要不同完成程度的人像畫。《Procreate》讓我可以分開不同layers去畫，再export不同的完成階段去配合戲劇進度。用iPad Pro繪畫的確很方便，特別在修改、修正方面，而且利用iPad練習速寫，可以用少一點紙張，更是一件好事！」

Photo from Paul Lung

此外佢亦有建議一般人如果想用iPad畫精描畫嘅一啲小 Tips：「一般人如想用iPad畫精描，我仍然建議要有一點基本繪畫概念。繪畫其實無分媒體，因為紙張或數碼只是媒體的分別，但是對比例、光暗、用色，也就是一樣的概念，如果認識一點點會比較容易掌握。例如先以速寫去訓練自己的感覺，也是絕對可以的。」

Photo from Paul Lung

其實用iPad畫畫都係一個唔錯嘅選擇嚟，因為唔止可以為環保盡一份力，仲可以隨時隨地諗到咩就畫低先，真係幾方便㗎！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）