香港迪士尼6．18重開　一文睇晒最新入園注意事項、預約、會籍延長

By Celia on 15 Jun 2020

Digital Editor

世界很大，生命很短，做自己就好！

香港迪士尼樂園閉園近5個月今日終於宣布會喺嚟緊嘅星期四（18/6）重開！不過鑑於樂園實施人流管制，前往嘅遊客都必需提前預約，園中亦會有部分互動體驗將會暫停，而奇妙處處通會員可率先於今日（15日）起開始預約，其他預約則於明日（16日）中午12點開始預約。度假區亦逐步恢復酒店服務。

Photo from Hong Kong Disneyland

迪士尼指，重開後大部分遊樂設施、商店及餐廳均會重開，並實施人數管制。

Photo from Hong Kong Disneyland

現時樂園已喺高接觸量嘅地方增加清潔消毒次數，並增設消毒搓手液，而喺排隊區、餐廳、遊樂設施、以及其他設施，都會實施社交距離措施。

Photo from Hong Kong Disneyland

至於迪士尼朋友與賓客近距離互動及合照，將會暫停。不過，就會加入社交距離措施嘅迪士尼朋友體驗。

Photo from Hong Kong Disneyland

另外，園方鑑於實施人流管制，會由即日起開放奇妙處處通會員於網上預約入園，會員須於到訪前8日內預約，而其他遊客可於明天中午12時正開始入園預約，須於到訪前7日內預約。已預約之遊客須於入園時出示有效門票或會員卡。3 歲以下的小童不須進行預約，並可如常免費進入樂園。所有賓客喺網上預約過程中，須作出健康聲明。

Photo from Hong Kong Disneyland

而喺入園時遊客須通過體溫檢測；並於樂園內遊玩時須佩戴口罩，在餐飲處所內飲食期間除外。

此外，唔少會員都會關心一個問題，就係喺閉園期間，就會有會藉都冇得玩，咁咪等同白白畀錢？！

當然唔會喇！事關樂園已安排凡於今年1月26日至8月30日期間（包括首尾兩天）到期，未使用嘅樂園門票及其他有指定使用日期限嘅產品，包括美食餐券及迪士尼朋友自助餐套票，有效日期將會自動延長至2020年8月31日。

Photo from Hong Kong Disneyland

而「奇妙處處通」會籍嘅有效日期亦將獲延長，延長日數計法為︰今年1月26日至6月17日期間樂園暫停開放嘅日數，扣減其籍級別嘅平日不適用日子日數後，再額外多加30天。但有一項必須注意，如果你嘅會員卡係於1月26前到期或6月15日及之後發出，就唔會獲延長。

而受影響嘅「奇妙處處通」會籍（白金卡、金卡、銀卡），將分別獲延長174日、167日及164日。其「獎賞行」時段嘅有效期將與會籍延長後嘅有效日期相同。

Photo from Hong Kong Disneyland

如持有今年1月26日至6月30日期間到期的新會籍或禮券確認信，可於樂園重開日起計3個月內，親臨指定地點換領。每張會員卡於發出當日起一年內有效。至於會員生日禮遇，1月至6月生日嘅會員可於樂園重開後3個月內（即2020年6月18日至2020年9月30日），享用因樂園暫停開放而未能兌換嘅生日禮遇，部份餐廳需提早訂座。