【香港Cafe】4位90後後生仔堅尼地城開啡店！主理人：唔好俾藉口自己 最緊要試

「當時跟中學同學見面話想開間咖啡店，講講吓大家就開了。」4位主理啡店Affee的年青人，憑住一股勇氣，在疫情下小試牛刀，開了人生第一間的咖啡店。面對當下所有困難，幾位男生只是淡淡的說了「好彩有朋友。」

在堅尼地城小巷內，又有一間新開的咖啡店Affee，Affee前身都是一間有名的咖啡店，在接手打理新店的時候，正正面對疫情，不過4位96年「男子組」，卻膽粗粗說了就做。「我們4位都是小同中同，一直都有出黎聚會吹水，本身自己在外國讀書時，已經好想開一間舒適啡店，到後來我哋傾傾吓，就開咗間咖啡店了。」主理人YoYo紅著臉說。

不過開啡店談何容易，從入貨到沖啡，每一步對於他們來說都是困難。「因為4位朋友入面，有3位都有正職，我為咗呢度quit左份酒店正職，他們又不懂得沖啡，唯獨我以前做兼職時學過，又有4年沖啡經驗，先可以打理啡店，不過最難可以說是入貨和試味，你未必會知道客人的口味，或者你唔喜歡，但他們卻喜歡，咩都要試。」在啡店擔任「大佬」的Hinry說。

面對種種困難，他們4位都共同面對拆解，走到今時今日，啡店終於可以面世，對他們來說，成功原因是因為兩個字「友情」。「講真，Business對我們來說是好陌生，但所有事可以面對，都是因為朋友，沒有朋友我們連店內設計都不懂，我更加不會學沖啡，都是因為朋友，跟朋友一起去做都非常開心。」

啡店內，Hinry指自己使用兩款豆，分開沖Expresso飲品和Cold Brew，前者偏向Nutty，後者則偏向Fruity。至於特別飲品必試Hojicha Latte，原材料全都由日本入貨，將日本風味帶給香港人。另外，店內亦有幾款輕食，Brownie、Cookies等等都有。

「圍威喂」下的說話只是一時的興起，但最後要去實現，卻需要勇氣跨出一大步。Hinry、YoYo和另外兩位朋友，勇氣都來自朋友的「互撐」，或者又是他們簡單的一句「唔好俾藉口自己，最緊要試」。

這是香港小店的堅持。

Affee
地點：堅尼地城厚和街19號順輝大廈地下3號鋪位
時間：平日7am- 6:00pm
星期六日及公眾假期： 9am - 6pm

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）